“प्रज्ञानपाठोपाठ ‘विक्रम’ही झोपी गेला, आता थेट…”, इस्रोकडून चांद्रमोहिमेचा पुढचा प्लॅन जाहीर, म्हणाले…

इस्रोने काल रात्री प्रज्ञान रोव्हरला झोपवलं (स्लीप मोड अ‍ॅक्टिव्हेट केला). त्यापाठोपाठ आज सकाळी ८ वाजता (भारतीय वेळेनुसार) विक्रम लँडर झोपी गेला. विक्रमने निद्रावस्थेत जाण्यापूर्वी आधी त्याची जागा बदलली. त्यासाठी या अवकाशयानाने एक मोठी उडी घेतली.

आणखी वाचा

‘बटेंगे तो कटेंगे’ असे वक्तव्य करणारे याेगी आदित्यनाथ यांचा आता ‘हा’ नारा

Nana Patole : निकालाआधी राजकीय घडामोडींना वेग; यातच…

‘हेरा फेरी ३’ची प्रतीक्षा संपली, अक्षय कुमारने दिली महत्त्वाची माहिती; म्हणाला, “पुढील वर्षी…”

“मी थोड्याच दिवसांचा पाहुणा, हे शरीर कधी जाईल…”, मनोज जरांगे पाटलांचं भावनिक विधान!

अग्रलेख : घोषणांच्या म्हशी…

“अर्चना पूरन सिंगच्या जागी मी पुन्हा यावं…” नवज्योत सिंग सिद्धूंचे वक्तव्य; कपिल शर्मा शोमध्ये परतणार का?

“कोकण आणि शिवसेनेचे नाते तोडण्याचा प्रयत्न, कोकणचे अदानीकरण होऊ देणार नाही”, उद्धव ठाकरेंचा इशारा

विक्रम लँडरला स्लीपिंग कमांड देण्याआधी नवीन जागेवर सर्व पेलोड्सची तपासणी करण्यात आली. त्यानंतर सर्व पेलोड्स बंद करण्यात आले. आता केवळ रिसीव्हर सुरू आहे. जेणेकरून इस्रोच्या बंगळुरूतील कार्यालयातून अवकाशयानाला कमांड देता येईल. सूर्यावर दिवस उजाडल्यानंतर पुन्हा एकदा कमांड देऊन अवकाशयान सुरू केलं जाईल. त्यानंतर पुन्हा एकदा, विक्रम आणि प्रज्ञान चंद्रावर संशोधन करू लागतील.

विक्रम लँडरची बॅटरी जशी हळूहळू कमी होत जाईल, तसा तो पूर्णपणे निद्रावस्थेत जाईल. इस्रोला आता आशा आहे की, २२ सप्टेंबर २०२३ रोजी पुन्हा एकदा विक्रम लँडर अ‍ॅक्टिव्ह होईल. तेव्हा चंद्रावर दिवस उजाडलेला असेल.

दरम्यान, विक्रम लँडरने उडी मारल्यानंतरचा एक फोटोही त्याने इस्रोला पाठवला आहे. इस्रोकडून विक्रमने उडी मारण्याआधीचा आणि उडी मारल्यानंतरचा एक फोटो शेअर करण्यात आला आहे. स्लीप कमांड देण्यापूर्वी ChaSTE, रंभा-एलपी, आणि आयएलएसए पेलोड्सने नवीन ठिकाणी इन-सीटू प्रयोग केले. त्या जागेवर मिळवलेला डेटा इस्रोच्या बंगळुरूतील कार्यालयाला पाठवला आहे.

हे ही वाचा >> Chandrayaan 3 नंतर पुढची चांद्र मोहीम कोणती? ISRO ने Vikram Lander वर ‘हा’ प्रयोग करत दिले संकेत…

दरम्यान, प्रज्ञान रोव्हर अशा ठिकाणी उभा केला आहे की चंद्रावर सूर्य उगवल्यावर त्यावरील सोलार पॅनल लगेच अ‍ॅक्टिव्ह होतील. सौरऊर्जा मिळू लागल्यानंतर तो पुन्हा एकदा चंद्रावर संशोधन करू शकेल. त्यामुळे आता इस्रोला चंद्रावर सूर्य उगवण्याची प्रतीक्षा आहे. इस्रोच्या मते २२ सप्टेंबर रोजी विक्रम आणि प्रज्ञान अ‍ॅक्टिव्ह होतील.