Chandrayaan 3 Landing : “१४० कोटी भारतीयांसाठी अभिमानाचा क्षण”, चांद्रयान मोहीम यशस्वी झाल्यानंतर मोदींचे उद्गार

चंद्राच्या दक्षिण ध्रुवावर चांद्रयान-३ उतरताच सांगलीत फटाक्याची आताषबाजी करत पेढे वाटून आनंदोत्सव साजरा करण्यात आला. इस्रोच्या चांद्रयान -३ मोहिमेत आज सायंकाळी अखेरचा व महत्वाचा टप्पा होता. हा दुर्मिळ क्षण अनेक नागरिक समाज माध्यमासह दूरचित्रवाणीवर पाहत होते. चांद्रयान चंद्राच्या दक्षिण ध्रुवावर उतरताच तरुणांनी रस्त्यावर उतरत फटाक्यांची आताषबाजी करीत भारत माता की जयच्या घोषणा देत शास्त्रज्ञांचे अभिनंदन करत झल्लोष केला. काही कार्यकर्त्यांनी पेढे व साखर वाटप केलं

भारतासाठी हा अविस्मरणीय क्षण आहे. हा क्षण भारतासाठी नव्या भारताच्या जयघोषाचा आहे. समस्यांचा महासागर ओलांडून आपण इथपर्यंत आलो आहोत. १४० कोटी लोकांचं स्वप्न आज पूर्ण झालं आहे. हा भारताचा शंखनाद आहे. आज प्रत्येक देशवासीयाप्रमाणेच माझंही मन या चांद्रयान मोहिमेकडेच जोडलं गेलं होतं. असं आज पंतप्रधान नरेंद्र मोदी यांनी म्हटलं आहे. तसंच सगळ्या वैज्ञानिकांचं पंतप्रधान नरेंद्र मोदींनी कौतुक केलं.

दक्षिण अफ्रिकेतून पंतप्रधान नरेंद्र मोदी हे ब्रिक्स संमेलनासाठी दक्षिण अफ्रिकेत आहेत. त्यांनी तिथून इस्रोच्या या मोहिमेत व्हर्चुअली उपस्थिती लावली आहे. भारत लवकरच इतिहास रचणार आहे. त्या क्षणाचे साक्षीदार होण्यासाठी ते या मोहिमेत व्हर्चुअली सहभागी झाले आहेत.

चांद्रयान आता चंद्रपासून २१ किमी अंतरावर आहे. पुढच्या काही वेळातच दीड किमी पर सेकंद अशा वेगाने यान फिरत होतं. त्याचा वेग आणखी कमी करण्यात आला आहे. झीरो स्पीड झाल्यानंतर शेवटची २२ सेकंद अत्यंत महत्त्वाची आहेत असं अभ्यासकांनी सांगितलं आहे.

आज संध्याकाळी भारताचे चांद्रयान चंद्रावर उतरणार आहे, साऱ्या जगाचे लक्ष चंद्राला गवसणी घालणाऱ्या भारताच्या या मिशन चांद्रयान -3 मोहीमेकडे लागले आहे. जेजुरीत खंडोबा गडावर श्री मार्तंड देव संस्थान, ग्रामस्थ मंडळ, पुजारी सेवक वर्ग यांनी आज कुलदैवत खंडोबास दुग्धाभिषेक करून भंडारा उधळला व हे यान सुरक्षितपणे उतरावे यासाठी प्रार्थना केली. खंडोबा देवस्थानचे विश्वस्त अनिल सौंदडे, अधिकारी बाळासाहेब खोमणे, पुजारी गणेश आगलावे उल्हास बारभाई यावेळी उपस्थित होते.

भारताचं चांद्रयान २ ही मोहीम थोडक्यात अपयशी झाली होती. चंद्रावर हे विक्रम लँडर लँड होण्याआधीच इस्रोशी संपर्क तुटला होता. या अनुभवातून धडा घेत चांद्रयान ३ या मोहिमेत महत्त्वाचे बदल केले आहेत. चांद्रयान २ या मोहिमेतील लँडरला पाच इंजिन होते. चंद्रावर उतरताना यानाची गती कमी करण्यासाठी त्याचा उपयोग करण्यात आला. मात्र यातून यानाला झटके बसले. त्यामुळे चुका झाल्या. आता सगळ्या शक्यता लक्षात घेऊन चांद्रयान ३ ची निर्मिती करण्यात आली आहे. चांद्रयान-३ मिशनमध्ये चंद्रावरील लँडिंग एरिया वाढवण्यात आला आहे. ४ किमी x २.५ किती असा एरिया आहे. परिस्थिती बिघडली, तर लँडरला लँडिंगसाठी जास्त जागा मिळावी, हा त्यामागे उद्देश आहे. ऐन मोक्याच्या क्षणी यानाला लँडिंगची जागा बदलावी लागली, जास्त प्रवास करावा लागला, तर त्यासाठी इंधनही जास्त ठेवण्यात आलं आहे अशी माहिती इस्रोचे प्रमुख एस. सोमनाथ यांनी दिली.

चांद्रयान ३ चं चंद्रावर लँडिंग होणार आहे, भारतासाठी आज गौरवाचा, अभिमानाचा दिवस आहे, भारताची प्रतिभा किती शक्तिशाली आहे हे आज सगळ्यांना दिसेल. वेगवेगळ्या मोहिमेतून इस्रोच्या माध्यमातून वेगवान वाटचाल वैज्ञानिक मनोवृत्ती दिसून येत असून सगळ्यांमध्ये उत्साह आहे, म्हणून देशातील सर्व वैज्ञानिक यांचे अभिनंदन करू इच्छितो असं प्रफुल्ल पटेल यांनी म्हटलं आहे. काही वेळापूर्वीच त्यांनी पत्रकारांशी संवाद साधला त्यावेळी त्यांनी हे वक्तव्य केलं आहे.

चंद्रयान -3 चं यशस्वी लँडिंग व्हावी यासाठी धुळ्यात शिवसेना शिंदे गटाच्या वतीने खानदेश कुलस्वामिनी एकवीरा देवीची महाआरती करण्यात आली . यावेळी शिवसेना शिंदे गटाचे पदाधिकारी कार्यकर्ते मराठा संख्येने उपस्थित होते भारत माता की जय घोषणा देखील देण्यात आल्या.

भारताने चंद्रावर पाठवलेलं चांद्रयान-3 चंद्रावर उतरण्यासाठी फक्त काही तासांचाच अवधी शिल्लक आहे. आज २३ ऑगस्ट रोजी हे यान सायंकाळच्या सुमारास चंद्राच्या पृष्ठावर उतरणार असून इस्रोच्या या मोहिमेवर भारतासह जगभरातील शास्त्रज्ञांचं लक्ष असून सामान्य नागरिकही या क्षणासाठी आतुर आहेत.चंद्रयान -3 यशस्वी लँडिंग व्हावी कुठल्याही प्रकारच विघ्न येऊ नये व तांत्रिक बिघाड होऊ नये यासाठी धुळे जिल्हा शिवसेना शिंदे गटाचे जिल्हाध्यक्ष सतीश महाले यांच्या नेतृत्वात खानदेश कुलस्वामिनी एकविरा देवी मातेची महाआरती करण्यात आली.

चांद्रयान २ ही आपली मोहीम अपयशी ठरली. त्यानंतर आता इस्रोच्या वैज्ञानिकांनी ही काळजी घेतली की या विक्रम लँडवरच्या सेन्सर्सनी काम केलं नाही तरीही सुखरुपपणे उतरणार आहे. यावर चार मोटर्स आहेत. त्यातल्या दोन सुरु झाल्या तरीही सॉफ्ट लँडिंग होईल. हे सॉफ्ट लँडिंग झाल्यानंतर यावर चार उपकरणं आहेत. जी उपकरणं आपलं काम सुरु करतात. विक्रम लँडरमधून एक रोव्हर बाहेर पडणार आहे. त्यानंतर हा रोव्हर चंद्रावर एका सेकंदाला एक सेंटीमीटर या गतीने फिरणा आहे. वाटेत उंच सखल प्रदेश आला तरीही तो काम करणार आहे. या रोव्हरची जी सहा चाकं आहेत त्यावर इस्रोचं बोधचिन्ह कोरलेलं आहे ही माहिती सोमण यांनी दिली.