५० Miss Calls च्या माध्यमातून घातला ५० लाखांचा गंडा! OTP ला चकवा देत बँकेतून ९५ मिनिटांत ५० लाख ‘गायब’

ज्या व्यक्तीची फसवणूक झाली त्याला दोन दिवसांपूर्वी सायंकाळी सात ते रात्री पावणेनऊ दरम्यान एकापाठोपाठ एक अनेक कॉल्स आले. यापैकी सुरुवातीचे काही कॉल या व्यक्तीने उचलले. मात्र नंतर समोरुन कोणीच काही बोलत नसल्याने त्याने पुढील कॉल उचलले नाही. त्यानंतर या व्यक्तीने आपला फोन तपासून पाहिला तेव्हा त्याला आरटीजीएसच्या माध्यमातून खात्यातून ५० लाख रुपये ट्रान्सफर करण्यात आल्याचं नोटीफिकेशन दिसलं, असं ‘टाइम्स ऑफ इंडिया’ने दिलेल्या वृत्तात म्हटलं आहे.