Online Make-up Shopping: मेकअप करायला प्रत्येक मुलीला आवडतं. आता लग्नाचं हंगाम सुरु झाला आहे. या हंगामात महिला कपडे तसेच मेकअपचे संपूर्ण सामान खरेदी करतात. या काळात काही लोक ऑनलाइन शॉपिंगही करतात. अनेक मुलींना ऑनलाइन शॉपिंगबद्दल प्रश्न आहेत. जसे की, कोणते मेकअप आयटम ऑनलाइन खरेदी करावे आ णि कोणते नाही? तुमच्याही मनात हाच प्रश्न असेल तर आज आम्ही तुम्हाला ऑनलाइन आणि ऑफलाइन शॉपिंगसाठी काही सोप्या गोष्टी सांगणार आहोत.
‘हे’ मेकअप प्रोडक्ट ऑनलाइन खरेदी करु शकता
स्किनकेअर प्रोडक्ट: ऑनलाइन किरकोळ विक्रेते बर्‍याचदा स्थानिक स्टोअरमध्ये उपलब्ध नसलेल्या आंतरराष्ट्रीय ब्रँडसह स्किनकेअर उत्पादनांची विस्तृत श्रेणी देतात. त्यामुळे ते ऑनलाइन खरेदी करता येते.
आयशॅडो पॅलेट: आयशॅडो पॅलेट ऑनलाइन खरेदी करणे अधिक सोयीचे असते, कारण तुम्ही रंगांची तुलना करू शकता आणि इतर ग्राहकांची पुनरावलोकने वाचू शकता.
आय लॅशेस: आय लॅशेस ऑनलाइन देखील सहजपणे खरेदी केले जाऊ शकतात. त्यावर तुम्हाला ऑनलाइन मोठ्या सवलती देखील मिळतील.
काजळ: तुम्ही काजळ ऑनलाइन ऑर्डर करू शकता. काजळचे अनेक चांगले ब्रँड ऑनलाइन उपलब्ध आहेत, जे तुमच्या डोळ्यांना इजा करत नाहीत.
(हे ही वाचा : केवळ ‘इतक्या’ हजारांमध्ये व्हा iPhone चे मालक! ‘Jio Mart’ सेलमध्ये आयफोनवर घसघशीत ऑफर; जाणून घ्या सविस्तर माहिती)
‘हे’ मेकअप प्रोडक्ट ऑफलाइन खरेदी करु शकता
फाउंडेशन: प्रत्येकाच्या स्किन टोनसाठी वेगळा फाउंडेशन असतो. आता ऑनलाइन योग्य पर्याय निवडणे थोडे कठीण आहे. यासाठी तुम्ही ऑफलाइन फाउंडेशन खरेदीचा विचार करू शकता.
लिपस्टिक: स्क्रीन रिझोल्यूशन आणि लाइटिंगनुसार लिपस्टिकचे रंग बदलू शकतात, त्यामुळे योग्य रंग मिळविण्यासाठी ऑफलाइन स्टोअरमधून लिपस्टिक खरेदी करणे अधिक चांगले असते.
ब्लश आणि हायलाइटर: तुमच्या त्वचेच्या टोननुसार योग्य ब्लश आणि हायलाइटर खरेदी करण्यासाठी ऑफलाइन स्टोअरला भेट देणे चांगले होईल.
ऑनलाइन शॉपिंग स्टोअर
जर तुम्हाला ऑनलाइन शॉपिंग करायची असेल, तर अनेक स्टोअर्स उपलब्ध आहेत, ज्यामध्ये Nykaa, Purplle, Myntra, Flipkart, Amazon आणि Sugar हे मुख्य आहेत.
