एलॉन मस्क यांच्या नेतृत्वाखालील अमेरिकन इलेक्ट्रिक कार निर्माता कंपनी टेस्ला यावर्षी भारतात लाँच करण्याची योजना आखत आहे. एप्रिलमध्ये इलेक्ट्रिक वाहनांची विक्री सुरू होण्याची शक्यता आहे, असे CNBC-TV18 च्या अहवालात म्हटले आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
अहवालानुसार, टेस्ला या वर्षी एप्रिलपासून भारतातील त्यांच्या बर्लिन प्लांटमधून आयात केलेल्या वाहनांची विक्री करण्याची योजना आखत आहे. चॅनेलने दावा केला आहे की, “EV निर्माता सुमारे २५,००० यूएस डॉलर (अंदाजे २१ लाख रुपये) किमतीचे स्वस्त EV मॉडेल ऑफर करण्याची योजना आखत आहे. शिवाय चॅनेलने दिलेल्या वृत्तानुसार, ‘पहिल्या टप्प्यात भारतात विक्री सुरू करण्याचा टेस्लाचा मानस आहे.
महाराष्ट्रात असू शकते टेस्लाचे मुख्य केंद्र
इकॉनॉमिक टाइम्सच्या वृत्तानुसार, महाराष्ट्रात टेस्लाचे मुख्य केंद्र असू शकते. टेस्ला टाटा मोटर्सशी संभाव्य भागीदारीबद्दलदेखील चर्चा करत असल्याचे समोर आले आहे. व्हाईट हाऊसमध्ये एलॉन मस्क यांनी भारताचे पंतप्रधान नरेंद्र मोदी यांची भेट घेतल्यानंतर गोष्टी वेगाने पुढे जात आहेत.
सूत्रांचा हवाला, CNBC-TV18 ने दावा केला की, “ईव्ही निर्मात्याने शोरूम सुरू करण्यासाठी बीकेसी आणि एरोसिटी मुंबई ही संभाव्य ठिकाणे म्हणून निवडली आहेत. भारतीय रॉयटर्सने दावा केला होता की,” ईव्ही निर्मात्याने नवी दिल्ली आणि मुंबई येथे दोन शोरूम ठिकाणे निवडली आहेत.”
रॉयटर्सच्या वृत्तानुसार, टेस्लाने नवी दिल्लीच्या आंतरराष्ट्रीय विमानतळाजवळील एरोसिटी परिसरात शोरूमसाठी भाडेतत्त्वावर जागा निवडली आहे आणि मुंबईत, कार निर्मात्याने शहरातील विमानतळाजवळील वांद्रे-कुर्ला कॉम्प्लेक्सच्या व्यवसाय आणि किरकोळ विक्री केंद्रात जागा निवडली आहे.
महाराष्ट्रात टेस्लासाठी मुख्य केंद्र उभारणे का योग्य ठरू शकते?
महाराष्ट्र हे अनेक ऑटोमोबाईल उत्पादकांचे घर आहे, विशेषतः चाकण परिसरात (पुणे), जिथे महिंद्रा अँड महिंद्रा, बजाज, टाटा मोटर्स, मर्सिडीज-बेंझ आणि फोक्सवॅगनसारख्या कंपन्यांनी त्यांचे मुख्य केंद्र उभारले आहेत. या निर्णयात लॉजिस्टिक्सचीही (logistics ) महत्त्वाची भूमिका असेल. अहवालांनुसार, २०२३ मध्ये पंचशील बिझनेस पार्क येथे पाच वर्षांच्या भाडेतत्व करारावर स्वाक्षरी करून टेस्लाने आपले पहिले कार्यालय उघडले असल्याने पुणे हे जास्त योग्य ठरू शकते.
भारतात टेस्लासाठी सुरु आहे भरती
टेस्ला देशांतर्गत बाजारपेठेत प्रवेश करण्याबाबत किती गंभीर आहे हे दाखवण्यासाठी, कंपनीने तिच्या अधिकृत लिंक्डइन पेजवर तिच्या भारतीय कार्यालयासाठी १३ नोकऱ्या पोस्ट केल्या आहेत. या नोकऱ्या मुंबई आणि दिल्लीमध्ये आहेत आणि टेस्ला ग्राहक सेवा विभाग आणि इतर बॅक-एंड ऑपरेशन्स सेट करण्यावर लक्ष केंद्रित करते. लिंक्डइन पेजवर खालील नोकऱ्यांची यादी दिली आहे – सर्व्हिस टेक्निशियन, सर्व्हिस मॅनेजर, इनसाइड सेल्स अॅडव्हायझर, कस्टमर सपोर्ट सुपरवायझर, कस्टमर सपोर्ट स्पेशालिस्ट, ऑर्डर ऑपरेशन्स स्पेशालिस्ट, सर्व्हिस अॅडव्हायझर, टेस्ला अॅडव्हायझर, पार्ट्स अॅडव्हायझर, डिलिव्हरी ऑपरेशन्स स्पेशालिस्ट, बिझनेस ऑपरेशन्स अॅनालिस्ट आणि स्टोअर मॅनेजर.
मस्क यांनी ऐनवेळी पुढे ढकलला दौरा
गेल्या एप्रिलमध्ये कंपनीचे संस्थापक आणि अमेरिकन टेक अब्जाधीश एलॉन मस्क यांनी “टेस्लाच्या जबाबदाऱ्या खूप जास्त आहेत” असे कारण देत शेवटच्या क्षणी त्यांचा भारत दौरा पुढे ढकलला होता, परंतु प्रस्तावित भेटीमुळे मस्क भारतात टेस्ला इलेक्ट्रिक कार विक्रीसाठीच्या पुढील योजना लवकरात लवकर जाहीर करतील, अशी अपेक्षा निर्माण झाली होती.
नवीन इलेक्ट्रिक वाहन धोरण जाहीर केल्यानंतर मस्क यांचा दौरा नियोजित होता
सरकारने नवीन इलेक्ट्रिक वाहन धोरण जाहीर केल्यानंतर काही आठवड्यांनंतर त्यांचा भारत दौरा नियोजित होता. या धोरणाअंतर्गत देशात किमान ५०० दशलक्ष अमेरिकन डॉलर्सच्या गुंतवणुकीसह उत्पादन युनिट्स स्थापन करणाऱ्या कंपन्यांना आयात शुल्कात सवलती देण्यात येतील, हे पाऊल टेस्लासारख्या प्रमुख जागतिक खेळाडूंना आकर्षित करण्याच्या उद्देशाने उचलण्यात आले होते.
VinFast च्या नवीन ईव्ही धोरणावरील होल्डरच्या बैठकीत टेस्लासह भारतातील सर्व प्रमुख उत्पादक सहभागी
सरकारने नवीन इलेक्ट्रिक वाहन धोरण जाहीर केल्यानंतर काही आठवड्यांनंतर त्यांचा भारत दौरा नियोजित होता. या धोरणाअंतर्गत देशात किमान ५०० दशलक्ष अमेरिकन डॉलर्सच्या गुंतवणुकीसह उत्पादन युनिट्स स्थापन करणाऱ्या कंपन्यांना आयात शुल्कात सवलती देण्यात येतील, हे पाऊल टेस्लासारख्या प्रमुख जागतिक खेळाडूंना आकर्षित करण्याच्या उद्देशाने उचलण्यात आले होते.
मस्क यांनी केली होती आयात शुल्क कमी करण्याची मागणी
टेस्लाचे प्रतिनिधित्व करणारा सल्लागार ‘द एशिया ग्रुप’ (TAG) ने व्हिएतनामच्या ईव्ही उत्पादक VinFast ने नवीन ईव्ही धोरणावरील शेअर होल्डरच्या बैठकीत भाग घेतला होता. यामध्ये भारतातील सर्व प्रमुख उत्पादकांसह मारुती सुझुकी, ह्युंदाई, टाटा, महिंद्रा, किआ, स्कोडा ऑटो फोक्सवॅगन इंडिया, रेनॉल्ट, मर्सिडीज-बेंझ, बीएमडब्ल्यू आणि ऑडी यांचाही समावेश आहे.
भारतात कारखाना उभारण्याबाबत काय म्हणाले होते मस्क
मस्क यांनी २०२२ मध्ये म्हटले होते की, टेस्ला, जी पूर्वी भारतात त्यांच्या वाहनांची विक्री करण्यासाठी आयात शुल्क कमी करण्याची मागणी करत होती, ती देशात त्यांच्या कारची विक्री आणि सेवा करण्याची परवानगी मिळाल्याशिवाय त्यांची उत्पादने तयार करणार नाही.
