फेसबुक वापरकर्त्यांसाठी महत्वाची बातमी, Facebook मध्ये होणार मोठे बदल, ‘या’ सेक्शनला कायमचं हटवणार

नक्की वाचा – बापरे! दहा दिवसांपासून शेकडो मेंढ्यांचा कळप सर्कलमध्येच फिरतोय, नेमकं काय घडलंय? चीनचा Video होतोय तुफान Viral

१ डिसेंबरपासून होणार बदल

सोशल मीडिया प्लॅटफॉर्म फेसबुक १ डिसेंबरपासून Intrested In (महिला किंवा पुरुष) आणि धार्मिक विचारसरणीच्या सेक्शनला बंद करणार आहे. त्यामुळे डिसेंबर महिन्यापासून फेसबुक वापरकर्त्यांना ही सर्व माहिती त्यांच्या प्रोफाईलमध्ये दिसणार नाहीय.

फेसबुकमध्ये होणाऱ्या या सर्व बदलांबाबत सर्वात आधी सोशल मीडिया कंसल्टेंट Matt Navarra ने स्पॉट केलं आहे. मॅट नवरा यांनी त्यांच्या ट्विटर हॅंडलवरून एक स्क्रीनशॉट शेअर केला आहे. याबाबत कंपनीकडून कोणत्याही प्रकारची अधिकृत माहिती देण्यात आली नाही. पण, मीडिया रिपोर्ट्सनुसार, कंपनीच्या प्रवक्त्यांनी सांगितलं आहे की, सोशल मीडिया प्लॅटफॉर्मला सोप्या पद्धतीने वापरण्यासाठी हे बदल करण्यात येणार आहेत.

तुमची माहिती डाउनलोड करु शकता

फेसबुकच्या माध्यमातून तुमची माहिती तुम्ही डाऊनलोड करू शकता. यासाठी तुम्हाला अबाऊट सेक्शनमध्ये जावं लागेल. त्यानंतर तुम्हाला बेसिक इंफॉर्मेशनमध्ये जाऊन या डिटेल्सला डाऊनलोड करायचं आहे.

या कारणामुळं फेसबुकमध्ये होणार बदल

रिपोर्ट्सनुसार, फेसबुकने त्यांच्या प्लॅटफॉर्मला सोपं करण्यासाठी प्रोफाईल सेक्शनमधून या डिटेल्सला काढून टाकण्याचा निर्णय घेतला आहे. आताही फेसबुकमध्ये खूप साऱ्या अशा डिटेल्स आहेत, ज्यांचा वापर आता केला जात नाहीय. नवीन प्लॅटफॉर्म जसे Instagram आणि Tik Tok मध्ये हे पाहायला मिळत नाही. नवीन प्लॅटफॉर्मचा बायो खूप सोपा आहे. यामध्ये युजर मोजकीच माहिती देऊ शकतात.