Filpkart Big Bachat Dhamaal Sale 2023: फ्लिपकार्ट ही भारतातील लोकप्रिय ई-कॉमर्स वेबसाइट आहे. या वेबसाइटवर १९ मे पासून बिग बचत धमाल सेल २०२३ ला सुरुवात झाली आहे. फ्लिपकार्टच्या या सेलमध्ये अनेक गोष्टींवर चांगल्या ऑफर्स मिळत आहेत. यात स्मार्टफोन्सवर देखील तगडा डिस्काउंट मिळत असल्याची माहिती समोर आली आहे. जर तुम्ही जास्त पैसे खर्च न करता लेटेस्ट मॉडेल्सचा स्मार्टफोन खरेदी करण्याचा विचार करत असाल, तर या धमाकेधार सेलमधून फोन विकत घेणे तुमच्यासाठी फायद्याचे ठरेल. स्मार्टफोन्ससह स्मार्टवॉच, इअरफोन आणि अन्य विद्युत उपकरणांचाही फ्लिपकार्टच्या सेलमध्ये समावेश करण्यात आला आहे.
फ्लिपकार्टच्या बिग बचत धमाल सेल २०२३ मध्ये कोणत्या स्मार्टफोनवर डिस्काउंट मिळत आहे?
Google Pixel 7a
गुगल कंपनीचा Google Pixel 7a या स्मार्टफोनची फ्लिपकार्टच्या सेलमध्ये किंमत ४३,९९९ रुपये इतकी आहे. मोबाइल फोनवर ३४,००० रुपयांचा एक्सचेंज डिस्काउंट आहे. त्याशिवाय एचडीएफसी बॅंकेच्या डेबिट आणि क्रेडिट कार्डवर ४,००० रुपयांचा डिस्काउंट दिला जात आहे. गुगलच्या या फोनमध्ये ६.१ इंच डिस्प्ले, ४३०० एमएएच बॅटरी आणि ६४ एमपी कॅमेरा यांचा समावेश आहे.
iPhone 14
अ‍ॅपलच्या iPhone 14 वर फ्लिपकार्टच्या सेलमध्ये ३३,००० रुपयांचा एक्सचेंज डिस्काउंट आणि ४,००० रुपयांचा बॅंक डिस्काउंट दिला जात आहे. या आयफोनची मूळ किंमत ६९,९९९ रुपये आहे. या फोनमध्ये ६.१ इंच सुपर रेटिना एक्सडीआर डिस्प्ले, ए१२ बायोनिक चिपसेट आणि १२ एमपी प्रायमरी कॅमेरा असे फीचर्स आहेत.
Oppo Reno 8 Pro 5G
Oppo Reno 8 Pro 5G हा फोन तुम्ही फ्लिपकार्टच्या बिग बचत धमाल सेल २०२३ मधून ४५,९९९ रुपयांना खरेदी करु शकता. कोटक महिंद्रा कार्ड ईएमआय ट्रान्सक्शन केल्यास या स्मार्टफोन १० टक्क्यांचा डिस्काउंट दिला जाईल. या फोनमध्ये ६.७ इंच फुल एचडी प्लस एमोलेड डिस्प्ले, मीडियाटेक डायमेंन्शन ८१०० मॅक्स प्रोसेसर, ४५०० एमएएच बॅटरी आणि ५० एपी प्रायमरी कॅमेरा आहे.
Poco F5 5G
पोको कंपनीचा Poco F5 5G हा स्मार्टफोन फ्लिपकार्टच्या सेलमध्ये फक्त २९,९९९ रुपयांना खरेदी करता येणार आहे. या फोनवर एचडीएफसी आणि आयसीआयसीआय बॅंकेच्या कार्डवरील बॅंक डिस्काउंट दिले जाणार आहे. Poco F5 5G या स्मार्टफोनमध्ये ६.६७ इंचाची एफएचडी प्लस स्क्रीन, ६४ एमपी प्रायमरी कॅमेरा, ५००० एमएएच क्षमता असलेली बॅटरीसह क्वालकॉम स्नॅपड्रॅगन ७+ जन २ प्रोसेसर सपोर्ट अशा गोष्टी आहेत.
