फ्लिपकार्ट कंपनी वर्षाच्या अखेरीस ग्राहकांसाठी एक खास सेल घेऊन आली आहे. ऑनलाइन शॉपिंग प्लॅटफॉर्म फ्लिपकार्टवर आजपासून ‘विंटर फेस्ट सेल’ सुरू होत आहे. या सेलमध्ये मोटोरोला एड्ज निओ ४० (Motorola Edge Neo 40), आयफोन १४ (iPhone 14), रेडमी १२ (Redmi 12) यांसारख्या अनेक ५जी (5G) फोनवर सूट देण्यात आली आहे. ही ऑफर ३१ डिसेंबरपर्यंत असेल . फ्लिपकार्ट कंपनीचा २०२३ चा हा शेवटचा सेल इव्हेंट आहे. ग्राहकांना ५जी फोन खरेदी करण्याची इच्छा असेल, तर हा सेल त्यांच्यासाठी उत्तम ठरेल.
फ्लिपकार्टच्या विंटर फेस्ट सेलमध्ये कोणत्या मोबाइलवर खास सूट आहे ते पाहू…
आयफोन १४ फ्लिपकार्टच्या विंटर फेस्ट सेलमध्ये ६५,९९९ रुपयांच्या सवलतीच्या दारात उपलब्ध आहे. वास्तविक आयफोन १४ ची मूळ किंमत ८९,९९० रुपये इतकी आहे. त्यामुळे या सेलमध्ये ग्राहकांना २३,९९१ रुपयांची भरघोस सवलत देण्यात येणार आहे. तसेच हे डिस्काउंट आयफोनच्या १२८ जीबी स्टोरेज मॉडेलसाठी असणार आहे; ज्यात मोठ्या क्षमतेची बॅटरी आणि डिस्प्ले असेल. तसेच ज्या ग्राहकांना आयफोन १५ घेण्याची इच्छा आहे ते फ्लिपकार्टच्या या सेलमध्ये हा फोन ७४,९०० रुपयांना खरेदी करू शकणार आहेत. या फोनची मूळ किंमत ७७,९९० एवढी आहे. म्हणजेच ग्राहकांना खास डिस्काउंट मिळणार आहे.
हेही वाचा…Vodafone-Idea ने लाँच केला ‘हा’ हटके प्लॅन! दररोज २ जीबी डेटा, Amazon Prime फ्री अन्…
ग्राहकांसाठी फ्लिपकार्टवर सॅमसंग गॅलॅक्सी एफ१४ ५जी (Samsung Galaxy F14 5G)देखील विक्रीसाठी उपल्बध आहे. या स्मार्टफोनची मूळ किंमत १२,९९० रुपये एवढी असून, या खास सेलमध्ये तुम्ही हा स्मार्टफोन तुम्ही ११,९९० रुपयांना खरेदी करू शकता. तसेच विंटर सेलदरम्यान मोटोरोला एड्ज निओ (Motorola Edge 40 Neo) २२,९९९ रुपयांमध्ये उपलब्ध आहे. तसेच विवो टी२ ५जी (Vivo T2 5G) हा मोबइल तुम्हाला या सेलमध्ये १६,९९९ रुपयांना खरेदी करता येणार आहे.
तसेच ज्या ग्राहकांना रेडमी नोट प्रो स्मार्टफोन घ्यायचा आहे, ते या सेलमध्ये २१,९९९ रुपयांमध्ये हा फोन खरेदी करू शकतात. फ्लिपकार्ट सॅमसंग गॅलॅक्सी एफ३४ ५जी १८,४९९ रुपयांना; तर पोको एम६ प्रो ५जी (Poco M6 Pro 5G) १०,९९९ रुपयांच्या किमतीसह सेलमध्ये उपलब्ध आहे. पिक्सेल७ (Pixel 7a) ३८,९९९ रुपये आणि पोको एक्स५ प्रो १६,९९९ रुपये अशा सवलतीच्या किमतीमध्ये विक्रीसाठी उपलब्ध आहेत.
