काल रात्री Google I/O इव्हेंट पार पडला. यामध्ये गुगलने अनेक नवीन प्रॉडक्ट्स लॉन्च केले आहेत. Google ने या वर्षाच्या सुरुवातीला फेब्रुवारी महिन्यामध्ये ndroid 14 चे पहिले पहिले डेव्हलपर पूर्वावलोकन बिल्ड लॉन्च केले होते. त्यांनतर काल Google I/O नंतर गुगलने पिक्सल डिव्हाईससाठी Android 14 Beta 2 रोलआऊट केले आहे. तर अँड्रॉइड १४ मध्ये कोणकोणते फीचर्स मिळणार आहेत. त्याब्ब्दल अधिक माहिती जाणून घेऊयात.
Android 14 मध्ये मिळणार नवीन फीचर्स
लॉक स्क्रीनसाठी वापरकर्त्यांना अनेक कस्टमायझेशनचा पर्याय, जनरेटिव्ह AI वॉलपेपर्स, enhanced widget customization, फाईंड माय डिव्हाईसला एक मोठे अपडेट मिळणार आहे. तसेच ईमोजी वॉलपेपरसह तुम्हाला अनेक फीचर्स मिळणार आहेत.
वापरकर्ते त्यांचे डिव्हाईस अत्यंत चांगल्या प्रकारे वापरू शकावेत म्हणून Android 14 सह Google चा मुख्य फोकस हा accessibility फीचर्सवर असणार आहे. Android 14 मध्ये वापरकर्त्यांचा अनुभव सुधारण्यासाठी अनेक नवीन फीचर्स जोडण्यात आली आहेत. जसे की यामध्ये तुम्हाला नोटिफिकेशन फ्लॅश हा पर्याय मिळणार आहे. जसे तुम्हाला एखादे नोटिफिकेशन येईल तसे लगेचच रिअर कॅमेऱ्यामध्ये फ्लॅश आणि फ्रंट डिस्प्ले मध्ये फ्लॅश वापरकर्त्यांना दिसणार आहे. तसेच तुम्ही तुमच्या आवडीनुसार डिस्प्ले फ्लॅशचा रंग निवडू शकता.
नवीन ऑपरेटिंग सिस्टीम अँड्रॉइड १४ सह वापरकर्त्यांना improved grammatical इन्फ्लेक्शन API मिळणार आहे. जे जर्मन आणि फ्रेंचसह अनेक भाषांसाठी चांगला सपोर्ट देणार आहे. थर्ड पार्टी डेव्हलपर्स देखील वेगवेगळ्या क्षेत्रासह App ची भाषा कस्टमाइज करू शकणार आहेत.
