तुमच्याबाबतीत असे कधी घडले आहे का की तुम्ही सकाळी बाहेर फिरायला गेला आहात आणि अचानक ऑफिसमधून मीटिंगसाठी फोन आला आहे. काही जणांच्या बाबतीत असे होऊ शकते. आपण मीटिंगसाठी शक्यतो गुगल मीटचा वापर करतो. गुगल त्यांच्या व्हिडीओ कॉन्फरसिंग सर्व्हिसमध्ये नवीन आणि उपयोगी अशी फीचर्स आणत असते. आतासुद्धा अशाच एका फीचरवर काम गुगल करत आहे. 9to5Google च्या एका रिपोर्टनुसार, टेक जायंट गुगल नवीन ‘On-the-go’ मोडवर काम करत आहे. जे वापरकर्त्यांना व्हिडीओ कॉलमध्ये अधिक सुरक्षित करेल.
सध्या स्मार्टफोनमध्ये असणारे गुगल Meet वापरकर्ता इंटरफेस सध्या अनेक पर्यायांनी भरलेले आहे. ज्यामुळे चालत असताना किंवा धावत असताना मीटिंग अटेंड करणे अवघड होऊ शकते. अशा ठिकाणी हे नवीन फिचर कामी येणार आहे. गूगल मीटचे ‘ऑन द गो’ मोड डिव्हाईस सेन्सरचा वापर करतो आणि App ला जेव्हा हे लक्षात येते कि वापरकर्ता धावपळीत आहे ते हे फिचर ऑटोमॅटिक सुरू होते.
हेही वाचा : iPhone आणि Android डिव्हाईसवर वेदर अलर्टस कसे मिळवायचे ? जाणून घ्या ‘या’ सोप्या स्टेप्स
गूगल लवकरच मीटमध्ये ऑन द गो नावाचे फिचर देणार आहे. या फीचरची महत्वाची बाब म्हणजे ते फिचर तुमची परिस्थिती समजून घेते आणि मीटिंग सेटिंग्जमध्ये आवश्यक बदल करते. हा पर्याय तुम्हाला मीटिंग जॉईन केल्यानंतर खालील बाजूला असलेल्या तीन डॉट्समध्ये दिसणार आहे. हे फिचर सुरू केल्यानंतर हे तुमचा व्हिडीओ आणि सूर्य सहकार्याचा व्हिडीओ स्ट्रीमिंगला तुमच्यासाठी बंद करेल. त्यामुळे तुम्ही तुमच्या शारीरिक अ‍ॅक्टिव्हिटीमध्ये लक्ष केंद्रित करू शकता.
तुम्ही जर का धावत आहात किंवा चालत असाल तर मीटिंग जॉईन केल्यानंतर हे फिचर तुम्हाला तुमच्या फोनमधील सेन्सरचा वापर करून ‘ऑन द गो’ मोड सुरू करण्याचा सल्ला देते. तसेच तुम्हाला जेव्हा हवा तेव्हा तुम्ही या मोड बंद करू शकणार आहात. गुगल मीटमध्ये हे फिचर सुरू करताच तुम्हाला एक वेगळा युजर इंटरफेस दिसणार आहे. त्यात तुम्हाला म्यूट, रेंज हॅन्ड आणि ऑडिओसाठी नेहमीपेक्षा मोठे आयकॉन दिसतील. तुम्हाला आवश्यकता असल्या तुम्ही ब्लूटुथ देखील कनेक्ट करू शकता.
