Google हे जगातील सर्वात मोठे सर्च इंजिन आहे. कोणाला कोणत्याही प्रकारची माहिती मिळवायची असल्यास ते सर्वप्रथम गुगलची (Goggle)मदत घेतात. अल्फाबेट या कंपनीच्या अंतर्गत गुगलचा समावेश होतो. गुगलची भारत ही मोठी बाजारपेठ आहे. हजारो वापरकर्ते याचा वापर करतात. तसेच गुगलसुद्धा आपल्या वापरकर्त्यांसाठी नवनवीन अपडेट्स किंवा फीचर्स आणत असते. गेल्या वर्षी गुगलने मोबाईलवर सर्च रिझल्ट सुधारण्यासाठी Topic Filters नावाचे फिचर लॉन्च केले होते.
कंपनीने हेच फीचर आता गुगलच्या सर्च डेस्कटॉप व्हर्जनसाठी देखील लॉन्च केले आहे. हे फिचर तुम्ही सर्च केलेल्या शब्दावर आधारित असे इतर विषय सुचविण्याचे काम करते. उदाहरणार्थ , जर का तुम्ही गुगलवरती Pixel ७ असे सर्च केले तर तुम्हाला त्यामध्ये त्यासंबंधी बातम्या , त्याची किंमत , त्याचे फोटोज आणि उजव्या बाजूला त्याचे डिटेल्स आणि रिव्ह्यू अशी सगळी माहिती तुम्हाला दिसते. त्या फोनची माहिती वरील विषयांमध्ये वर्ग करून तुम्हाला गुगलवर या फीचरच्या माध्यमातून दिसणार आहे.
Google ने लॉन्च केला ड्रॉप-डाउन मेनू
google ने सर्च करण्यासाठी नवीन ड्रॉप डाऊन मेनू लॉन्च केला आहे. ज्याला ऑल फिल्टर्स असे नाव देण्यात आले आहे. याच्या मदतीने वापरकर्त्यांना फिल्टर सेट करता येतो. या फीचरच्या मदतीने ब्राउझिंग करताना त्यांचे आवडते टॅब सहजपणे सिलेक्ट करू शकतात. व त्यातून चांगले रिझल्ट मिळवू शकतात. सध्या हे फिचर अमेरिकेतील इंग्रजी वापरकर्त्यांसाठी उपलब्ध आहे. लवकरच हे इतर भाषा आणि अन्य प्रदेशांमध्ये विस्तारित होण्याची शक्यता आहे.
