how much twitter blue will cost in india prompt tell price

काही भारतीय ट्विटर युजर्सना ट्विटर ब्ल्यूसाठी सब्सक्राइब करा, असे सांगणारे प्रॉम्प्ट दिसून आले आहेत. त्यामध्ये ट्विटर ब्ल्यू सेवेसाठी भारतीयांना किती पैसे खर्च करावे लागतील याबाबत माहिती देण्यात आली आहे.

(संग्रहित छायाचित्र)

जगातील सर्वाधिक श्रीमंत व्यक्ती एलॉन मस्क यांनी ट्विटरची मालकी मिळवल्यानंतर ट्विटरमध्ये अनेक उलथापालथ झाले आहेत. मस्क यांनी ट्विटरच्या उच्च अधिकाऱ्यांना आधी नोकरीवरून काढले. नंतर जवळपास ५० टक्के कर्मचाऱ्यांना नोकरीवरून काढून टाकले. कंपनीला नुकसान होत असल्याने हा निर्णय घेतल्याचे समोर आले आहे. त्याचबरोबर मस्क यांनी ब्ल्यू टिकसाठी पैसे घेण्याचा निर्णय घेतला. बुधवारी ही पेड सेवा अमेरिका, यूके आणि इतर देशांमध्ये सुरू झाली. अमेरिकेत या सेवेसाठी युजर्सला ७.९९ डॉलर्स द्यावे लागतील. तर भारतात किती रुपये द्यावे लागतील, अशी चर्चा सुरू आहे. दरम्यान भारतात ७१९ रुपये ब्ल्यू टिकसाठी द्यावे लागू शकतात, असा अंदाज आहे.

काही भारतीय ट्विटर युजर्सना ट्विटर ब्ल्यूसाठी सब्सक्राइब करा, असे सांगणारे प्रॉम्प्ट दिसून आले आहेत. त्यातून १० नोव्हेंबर २०२२ पासून ट्विटर ब्ल्यू टिकसाठी ७१९ रुपये द्यावे लागतील असे समजते. ही सेवा आधी अ‍ॅपल युजरला मिळण्याची शक्यता आहे. तसेच, ज्या युजर्सनी ट्विटर ब्ल्यू सेवा सब्सक्राइब केली असेल त्यांना इतर फायदे देखील मिळण्याची शक्यता आहे. अशा युजर्सना ट्विटरवर रिच आणि डिस्प्लेच्या बाबतीत प्राधन्य दिले जाईल, असे मस्क यांनी म्हटले होते.

आणखी वाचा

Sunil Tatkare : “आम्ही गेल्या अनेक वर्षांपासून…”; अमित शाह-शरद पवार भेटीनंतर सुनील तटकरेंची महत्त्वाची प्रतिक्रिया

Madhuri Dixit Refused Darr Offer Do You Know The Reason?

Madhuri Dixit : डर चित्रपट माधुरी दीक्षितने का…

mobile transport officer stolen Mumbai, mobile stolen Mumbai,

मुंबई : वाहनावरील कारवाई टाळण्यासाठी परिवहन अधिकाऱ्याचा मोबाइलच पळवला

Sanjay Raut Brother : संजय राऊत यांच्या सख्ख्या भावाची पोस्ट चर्चेत; डिलिट करत म्हणाले, “मी..”

Google Search: भारतीय गुगलवर गेल्या वर्षभरात काय शोधत होते माहितीये? गुगल सर्च रिपोर्टची माहिती आली समोर!

Suspicion of explosives in air-conditioned coach of Dakshin Express panic among passengers

दक्षिण एक्स्प्रेसमध्ये तीन तास जीव मुठीत… प्रवाशांना अक्षरश: उड्या…

Mumbai subway metro, subway metro passengers Mumbai , Mumbai metro,

भुयारी मेट्रोकडे मुंबईकरांची पाठ, दुसऱ्या महिन्यात प्रवासी संख्येत ६८ हजारांहून अधिकने घट

Ladki Bahin Yojana Pune, Pune District women Ladki Bahin, Ladki Bahin Yojana benefit,

Ladki Bahin Yojana Pune : पुणे जिल्ह्यात ५० हजार ‘बहिणी’ ‘लाडक्या’ होण्याच्या प्रतीक्षेत!

(‘अमेझॉन पे’ मधील बॅलेन्स बँक खात्यात पाठवायचा आहे? मग फॉलो करा ‘या’ स्टेप्स)

ट्विटर ब्ल्यू सेवा विवादात?

Twitter Blue in india costs 719/- per month. pic.twitter.com/HKTtBbO00p
— Gaurav Agrawal (@Agrawalji_Tech) November 10, 2022

ट्विटर ब्ल्यू पेड सेवा विवादास्पद ठरत आहे. ट्विटर पेड सेवेमुळे गैरवापर करणाऱ्यांनाही व्हेरिफिकेशन बॅज मिळू शकते, अशी शक्यता व्यक्त केली जात आहे. यावर ट्विटर ब्ल्यूचा कोणी गैरवापर केल्यास त्याचे खाते कायमचे निलंबित केले जाईल, असे मस्क यांनी म्हटले आहे. या सेवेचा गैरवापर होईल की नाही, हे आता काळच सांगेल.

क्रयशक्तीवर आधारीत असेल किंमत

मस्क यांनी ट्विटर ब्ल्यूच्या प्लानबाबत माहिती देताना, अमेरिकेबाहेर या सेवेची किंमत देशाच्या क्रयशक्तीवर आधारित असेल, असे म्हटले होते. यावरून अमेरिकेपेक्षा भारतात या सेवेसाठी कमी किंमत मोजावी लागेल, अशी शक्यता व्यक्त होत होती. पण, भारतीय युजर्सना दिसलेला हा प्रॉम्प्ट जर खरा असेल तर ७१९ रुपये प्रति महिना हे फार महाग वाटत आहे. भारतीय व्हेरिफिकेशन बॅजसाठी इतके पैसे खर्च करणार का? हे आता सेवा सुरू झाल्यावरच समजेल.

First published on: 11-11-2022 at 11:23 IST

Web Title: How much twitter blue will cost in india prompt tell price ssb

भारतात TWITTER BLUE सेवा सुरू; दर महिन्याला किती पैसे खर्च करावे लागतील? जाणून घ्या