Samsung एक लोकप्रिय कंपनी आहे. आपल्या ग्राहकांसाठी कंपनी अनेक नवनवीन स्मार्टफोन्स लॉन्च करत असते. ज्यामध्ये अनेक फीचर्स आणि अपडेट कंपनी वापरकर्त्यांना देत असते. त्यातच जर का तुम्ही सॅमसंग स्मार्टफोन वापर असाल तुम्हाला Samsung Wallet माहिती असेलच हे वॉलेटमधून तुम्हाला UPI अकाउंट, DigiLocker ID, प्रीपेड वॉलेट, लस प्रमाणपत्र आणि अन्य सेवा वापरता येतात. कंपनीने आपली पेमेंट सेवा ‘सॅमसंग पे बॅक’ २०१७ मध्ये लॉन्च केली होती. अलीकडेच तिचे नाव सॅमसंग वॉलेट असे करण्यात आले.
जेव्हा कधी तुम्हाला सॅमसंग वॉलेट App मधून UPI च्या मदतीने पेमेंट करायचे असेल तेव्हा तुम्हाला सर्वात पहिल्यांदा ते App ओपन करावे लागेल. तेथील मेनूवर क्लिक करावे लागेल. त्यानंतर BHIM UPI accounts’ वर क्लिक करावे लागेल आणि शेवटी ‘QR कोड या पर्यायावर क्लिक करावे लागेल. परंतु साधे पेमेंट करण्यासाठी ही थोडी लांबलचक प्रक्रिया असू शकते.
त्याऐवजी तुम्ही बारकोड स्कॅनिंग पद्धतीचा वापर करून एका क्लिकवर UPI पेमेंट करण्यासाठी तुम्ही तुमच्या स्क्रीनवर सॅमसंग वॉलेट स्कॅन आणि पे शॉर्टकट तयार करू शकता. ते हे कसे तयार करायचे त्य्याच्या काय काय स्टेप्स आहेत ते जाणून घेऊयात.
१. Samsung Wallet App वर लॉन्ग प्रेस करा आणि Add to home screen वर क्लिक करा.
२. त्यांनतर तुमच्या मोबाईलच्या होम स्क्रीनवर सॅमसंग वॉलेटचा शॉर्टकट तयार होईल.
३. त्यानंतर आता तुमच्या होमस्क्रीनवर तयार झालेल्या सॅमसंग वॉलेटचा पर्याय लॉन्ग प्रेस करा आणि म्हणजे तते ओपन होईल व त्यातील फीचरचा वापर तुम्हाला करता येईल.
४. ‘स्कॅन अँड पे’ या पर्यायावर लॉन्ग प्रेस करा. त्यानंतर होम स्क्रीनवर आयकॉन ड्रॉप करा.
५. त्यानंतर तुमच्या फोनवर स्कॅन अँड पे हा शॉर्टकट तयार होईल. ज्याचा वापर करून तुम्ही बारकोड स्कॅन करून UPI पेमेंट करू शकता.
Paytm, Google Pay, PhonePe आणि BharatPe सारख्या UPI-आधारित पेमेंट स्वीकारणाऱ्या कोणत्याही विक्रेत्याला या सॅमसंग वॉलेटमधून तुम्ही पेमेंट करू शकता.
