सध्या बिपरजॉय चक्रीवादळाचा धोका किनारपट्टीला आहे. चक्रीवादळ गुजरातच्या किनारपट्टीला धडकण्याची शक्यता आहे. तसेच चक्रीवादळाचा तडाखा ज्या ठिकाणी बसेल किंवा ते ज्या भागातून जाणार आहे तेथील लोकांच्या जीवनावर देखील परिणाम होऊ शकतो. जसे आपण पाहिले की रत्नागिरी जिल्ह्यातील गणपतीपुळे येथे समुद्राचे पाणी तिथे असणाऱ्या दुकानांमध्ये शिरले होते. यावेळी आपल्या स्मार्टफोनवर हवामान कसे असेल याबाबत सूचना मिळाली तर त्याचा बऱ्यापैकी फायदा होऊ शकतो. आज आपण iOS आणि Android डिव्हाईसवरील होम स्क्रीनवर वेदर विजेट्स कसे Add करायचे त्याबद्दल जाणून घेणार आहोत.
आयओएस आणि अँड्रॉइडवर अनेक थर्ड पार्टी अ‍ॅप्स आहेत. ज्यामध्ये आपल्याला वेदर अपडेट मिळू शकते. मात्र थर्ड पार्टी अ‍ॅप्स असले तरी या दोन्ही डिव्हाइसमध्ये इंटर्नल विजेट्स मिळतात जे अचूक आणि रिअल टाइम डेटा देत असतात. तुमच्या स्मार्टफोनवर वेगाने वेदर अपडेट्स मिळवण्यासाठी Android आणि iOS डिव्हाईसवर विजेट्स कसे सेट करायचे ते पाहुयात. याबाबतचे वृत्त Indian Express ने दिले आहे.
हेही वाचा : Tech Gadgets: ५०० रुपयांच्या आतमध्ये खरेदी करता येणार ‘ही’ पाच गॅजेट्स, असा होतो उपयोग
जर का तुमच्याकडे ios १६ किंवा नवीन व्हर्जनवर चालणार आयफोन असेल तर होम स्क्रीनवर वेदर विजेट्स जोडण्यासाठी या सोप्या स्टेप्सचा वापर करा.
आयफोनवर वेदर अलर्ट कसे मिळवायचे ?
१. सर्वात पहिल्यांदा होम स्क्रीनवर जाऊन लॉन्ग प्रेस करा.
२. त्यानंतर वरील बाजूस डाव्या कोपऱ्यामध्ये प्लस बटणावर क्लिक करा.
३. weather सर्च करा आणि होम स्क्रीनवर अ‍ॅड करावे.
आयफोनवरील वेदर विजेट्स सध्याचे तापमान आणि १० दिवसांचे अंदाज यासारखे डिटेल्स दाखवते.
Android डिव्हाईसवर वेदर अलर्ट कसे मिळवायचे ?
अँड्रॉइड फोनवर वेदर विजेट्स Add करणे प्रत्येक मॉडेलवर अवलंबून असते. मात्र ह्या स्टेप्स अनेक फोनवर सारख्या असू शकतात.
१. सर्वात पहिल्यांदा होम स्क्रीनवर लॉन्ग प्रेस करावे.
२. विजेट्स सिलेक्ट करावे.
३. वेदर सर्च करावे.
४. होम स्क्रीनवर Add करण्यासाठी लॉन्ग प्रेस करावे.
अँड्रॉइड फोनमध्ये वेदर विजेट्स सध्याचे तापमान, UV index, आणि आर्द्रता सारखे डिटेल्स दाखवते.
