भारतात सध्या डिजिटल पेमेंट करण्याचे प्रमाण वाढले आहे. नागरिक कॅश पेमेंटपेक्षा डिजिटल पद्धतीने पेमेंट करण्यावर अधिक भर देत आहेत. UPI (युनिफाइड पेमेंट्स इंटरफेस) ही देशातील सर्वात लोकप्रिय डिजिटल पेमेंट पद्धतींपैकी एक आहे. हे वापरकर्त्यांना जलद, सोयीस्कर आणि सुरक्षित पेमेंट करू देते. देशांतर्गत वापरासाठी सुरू करण्यात आलेली ही पेमेंट पद्धत लोकांच्या पसंतीची बनली आहे. तसेच आता परदेशामध्ये देखील ही उपलब्ध करण्याच्या मागणीत वाढ झाली आहे.
परदेशात असणाऱ्या भारतीय नागरिकांसाठी व्यवहार सुलभ करण्यासाठी भारत सरकारने फ्रान्स आणि UAE सह अनेक आंतरराष्ट्रीय देशांमध्ये UPI पेमेंट उपलब्ध करून दिले आहे. हे अनिवासी भारतीयांसाठी (NRIs) आंतरराष्ट्रीय व्यवहार सुरू करणे देखील सुलभ आहे. याबाबतचे वृत्त India Today ने दिले आहे.
हेही वाचा : लवकरच बाजारात येणार iPhone 15; कधी होणार लॉन्च? काय आहे किंमत? जाणून घ्या सविस्तर माहिती
भारतात लोकप्रिय असणारी UPI पेमेंट सेवा सध्या फ्रान्स, भूतान,नेपाळ, ओमान, UAE, मलेशिया, थायलंड, फिलिपाइन्स, व्हिएतनाम, सिंगापूर, कंबोडिया, हॉंगकॉंग, तैवान, साऊथ कोरिया आणि जपान , इंग्लंड व युरोप या देशांमध्ये उपलब्ध आहे.
त्यामुळे तुम्ही UPI पेमेंट सेवा उपलब्ध असलेल्या देशांमधील एका देशात प्रवास करत असाल तर तुम्ही व्यवहार करण्यासाठी PhonePe, Amazon Pay, Google Pay, Paytm आणि इतर सारख्या UPI पेमेंट अ‍ॅप्सचा वापर करू शकता. हे अॅप्स तुम्हाला तुमचे UPI आयडी किंवा लिंक केलेला बँक अकाउंट नंबर वापरून डिजिटल पेमेंट करण्यास सक्षम बनवतात.
इतर देशांमध्ये UPI Apps कसे वापरायचे ?
१. सर्वात पर्थ तुम्ही तुमचे UPI सक्षम मोबाईल अ‍ॅप जसे की फोन पे, गुगल पे , पेटीएम यासारखे Apps डाउनलोड करावे किंवा ओपन करावे. जे तरराष्ट्रीय UPI व्यवहारांना अनुमती देते.
२. अ‍ॅमध्ये तुमचे भारतीय बँक अकाउंट रजिस्टर करावे.
३. एकदा का तुमचे बँक अकाउंट लिंक झाले की, तुम्हाला प्राप्तकर्त्याचे बँक अकाउंट नंबर, IBAN आणि BIC, ट्रान्सफर रक्कम आणि चलनासह अन्य डिटेल्स प्रदान करणे आवश्यक आहे.
४. व्यवहार पूर्ण झाल्यानंतर तुम्हाला एक कन्फर्मेशन मेसेज प्राप्त होईल.
विशेष म्हणजे, तुमच्या व्यवहारांवर कन्व्हर्जन चार्जेस, फॉरेन एक्सचेंज फी आणि अन्य शुल्क लागू होईल. तसेच युपीआय पेमेंट सेवा हळूहळू परदेशात आणली जात आहे. त्यामुळे ही सेवा यादीतील सर्वच देशांमध्ये उपलब्ध असेलच असे नाही.
