व्हॉटसअ‍ॅपवर सतत टेक्स्ट, मीडिया किंवा इतर फाइल्स शेअर केल्या जातात. त्यामुळे व्हॉटसअ‍ॅपचे स्टोरेज लगेच भरू शकते. त्यामुळे नव्या मीडिया फाइल्स किंवा इतर कोणताही कंटेन्ट शेअर करणे किंवा डाऊनलोड करणे कठीण होते. अशावेळी व्हॉटसअ‍ॅप स्टोरेज कमी करता येईल का याचा पर्याय शोधला जातो, पण याबद्दल बऱ्याच जणांना कल्पना नसते. आयफोनवर व्हॉटसअ‍ॅपचे स्टोरेज कमी करण्यासाठी कोणत्या स्टेप्स वापराव्या जाणून घ्या.
आयफोनवर व्हॉटसअ‍ॅपचे स्टोरेज कमी करण्यासाठी आधी किती स्टोरेज उपलब्ध आहे हे तपासणे आवश्यक आहे हे तपासणे गरजेचे आहे. ते कसे तपासायचे जाणून घ्या.
असे तपासा आयफोनवर व्हॉटसअ‍ॅपचे स्टोरेज
आयफोनमध्ये सेटींग्स पर्याय उघडा. त्यामध्ये जनरल पर्याय निवडा. त्यानंतर आयफोन स्टोरेज पर्यायामध्ये व्हॉटसअ‍ॅप पर्याय निवडा, अशाप्रकारे आयफोनवर व्हॉटसअ‍ॅपचे स्टोरेज तपासता येईल.
आणखी वाचा: घरबसल्या मोबाईलवर मिळवा डिजिटल वोटर आयडी; कसे डाउनलोड करायचे जाणून घ्या
आयफोनवर व्हॉटसअ‍ॅपचे स्टोरेज कमी करण्यासाठी या स्टेप्स निवडा
- व्हॉटसअ‍ॅपमध्ये सेटींग्स पर्याय निवडा.
- त्यानंतर ‘स्टोरेज अँड डेटा’ पर्याय निवडा.
- त्यामध्ये मॅनेज स्टोरेज पर्यायावर क्लिक करा.
- त्यामध्ये तुम्हाला पुर्ण व्हॉटसअ‍ॅपचे स्टोरेज दिसेल. त्यातील अनावश्यक मीडिया डिलीट करा.
- ५ एमबी पेक्षा मोठ्या फाईल्स निवडा आणि त्या डिलीट करा.
- याप्रमाणेच ‘फॉरवर्डेड मेनी टाइम्स’ अशा मीडिया फाइल्स देखील तुम्ही डिलीट करू शकता, याचा पर्यायही मॅनेज स्टोरेजमध्ये उपलब्ध असतो.
अशाप्रकारे तुम्ही आयफोनवर व्हॉटसअ‍ॅपचे स्टोरेज कमी करू शकता. तसेच ऑटो डाउनलोडमुळे जर मीडिया फाइल्स डाउनलोड होऊन स्टोरेज फुल होत असेल तर, ऑटो डाऊनलोड सेटींग्स बदलू शकता. हा पर्याय ‘स्टोरेज अँड डेटा मेन्यु’मध्ये उपलब्ध असतो. हा पर्याय निवडुन ‘मीडिया ऑटो डाउनलोड’ पर्याय निवडुन, त्यात ‘नेवर’ पर्यायावर क्लिक करा. यामुळे मीडिया ऑटो डाउनलोड होणार नाहीत.
