ChatGpt हा चॅटबॉट ओपनएआय कंपनीने मागील वर्षी लॉन्च केला आहे. सध्या सर्वत्र याचा वापर करण्याचे प्रमाण वाढत चालले आहे. अनेक विद्यापीठांनी तर यावर बंदी देखील घातली आहे. ChatGpt हा चॅटबॉट आहे जो आकर्षक आणि वास्तववादी कंटेंट तयार करतो. कामाचा त्रास कमी व्हावा म्हणून याचा वापर करण्यात येत आहे. आज आपण तुम्ही chatgpt वर केलेला संवाद शेअर कसा करायचा ते पाहणार आहोत.
कंपनीने ChatGPT Shared Links नावाचे एक फिचर सुरू केले आहे. जे वापरकर्त्यांना त्यांच्या संवादाची लिंक तयार आणि शेअर करण्याची परवानगी देते. याची लिंक कशी तयार करायची आणि ती शेअर कशी करायची, यासाठी कोणत्या स्टेप्स आहेत ते जाणून घेऊयात. याबाबतचे वृत्त guidingtech ने दिले आहे.
हेही वाचा : Tech Gadgets: ५०० रुपयांच्या आतमध्ये खरेदी करता येणार ‘ही’ पाच गॅजेट्स, असा होतो उपयोग
ChatGPT चॅटची लिंक कशी तयार करावी ?
संवादाची लिंक कशी तयार करण्यापूर्वी हे लक्षात ठेवणे आवश्यक आहे की सध्या हे browser व्हर्जनमधून शेअर करता येणार आहे. लवकरच हे ios आणि चॅटजीपीटी App ही सुविधा सुरू करण्यात येईल असे कंपनीचे म्हणणे आहे.
१. कोणत्याही ब्राउझरवर जाऊन ChatGpt वर क्लिक करावे आणि लॉग इन करावे. आधीपासून लॉग इन असल्यास पुन्हा करण्याची आवश्यकता नाही.
२. चॅटजीपीटीच्या चॅट हिस्ट्री असलेल्या साईडबारवर क्लिक करावे.
३. तुम्हाला जे चॅट शेअर करायचे आहे त्याची हिस्ट्री सिलेक्ट करावी.
४. त्यानंतर चॅटवर शेअर आयकॉन क्लिक करा.
५. शेअर करताना तुम्ही चॅटचे नाव बदलू शकता किंवा तुमचे नाव दिसू नये यासाठी पर्याय निवडू शकता.
६. सर्व आवश्यक बदल केल्यास कॉपी लिंकवर क्लिक करा.
७. ज्या ठिकाणी तुम्हाला ही लिंक शेअर करायची आहे त्या ठिकाणी लिंक शेअर पेस्ट करावी.
ChatGPT चॅट लिंक कशी डिलीट करावी ?
१. सर्वात पहिल्यांदा ChatGpt वर शेअर केलेले चॅट उघडावे.
२. शेअर बटणावर क्लिक करावे.
३. त्यानंतर तिथे एक तीन डॉट असलेले आयकॉन दिसेल.
४.डिलीट करायची असलेली लिंक सिलेक्ट करावी.
