शाळकरी मुलांसाठी आता स्मार्ट बॅग!; Huawei कंपनीने सादर केलं नवं प्रोडक्ट

शाळांमध्ये स्मार्टफोन आणि जीपीएस पॅकिंग स्मार्टवॉट नेण्याची परवानगी नाही. या बॅगेमुळे आपला मुलगा कुठे आहे? याबाबतची माहिती पालकांना मिळणार आहे. स्कूलबॅग अ‍ॅप कंट्रोल आणि HarmonyOS Connect सपोर्टसह येते. स्कूलबॅग मोबाईल फोनवर “स्मार्ट लाइफ” अ‍ॅपशी यशस्वीरित्या कनेक्ट झाल्यानंतर, तीन ठिकाणं सेट केली जाऊ शकतात. उदाहरणार्थ घर/शाळा/इतर अशी ठिकाणं सेट करता येतील. जेव्हा मुलाचे बॅकपॅक सेट केलेल्या भागात प्रवेश करेल किंवा बाहेर पडेल, तेव्हा पालकांना एक संदेश प्राप्त होऊ शकतो. जसे की विद्यार्थी शाळेत प्रवेश करतो, त्याच वेळी पालक त्यांच्या मोबाइल फोनवर त्यांच्या मुलाचे स्थान तपासू शकतात. रिअल-टाइममध्ये मुलाच्या स्थानाची माहिती जाणून घेण्यासाठी उच्च-फ्रिक्वेंसी मोड दर दोन मिनिटांनी एका निश्चित ठिकाणावर चेक इन करेल. तसेच या ट्रॅकची माहिती तीन महिन्यांपर्यंत राखून ठेवली जाऊ शकते. एर्गोनॉमिक्सच्या दृष्टीने, 9um स्मार्ट पोझिशनिंग चिल्ड्रन स्कूलबॅगमध्ये वजनाचा देखील विचार करण्यात आला आहे. खास U-आकाराचा पट्टा डिझाइन केला आहे. पट्टा मुलाच्या खांद्यावर आणि मानेला सुलभतेने बसतो. बॅगचं फॅब्रिक मऊ असल्याने वाहून नेण्यास अधिक आरामदायक बनते. याशिवाय स्कूलबॅगचं डिझाइन सर्वसाधारण स्कूलबॅगच्या उंचीपेक्षा सुमारे ६ ते ७ सेमीने कमी आहे. कंबरेला त्रास होऊ नये असं त्याचं डिझाइन करण्यात आलं आहे. १३५ सेमीपेक्षा कमी उंचीच्या मुलांसाठी अधिक योग्य आहे.

‘हे’ Chrome, Microsoft Edge अपडेट डाउनलोड करू नका, तुम्ही अडचणीत येऊ शकता

नवीन बॅगमधील सर्वात उल्लेखनीय वैशिष्ट्य म्हणजे १.५४ इंचाचा IP67 डस्टप्रूफ आणि वॉटरप्रूफ फन स्क्रीन डिस्प्ले. यात वर्गाचे वेळापत्रक, इलेक्ट्रॉनिक स्वाक्षरी, थीम घड्याळे इ. सेट करू शकतो. पालक मोबाइल अ‍ॅपवरून सर्व वर्ग वेळापत्रके मिळवू शकतात. पुढील दिवसाचे वेळापत्रक देखील दररोज स्वयंचलितपणे अद्यतनित केले जाऊ शकते. यामुळे मुलाला किंवा पालकांना पुढील दिवशी आवश्यक असलेली पुस्तके निवडणे सोपे होईल. या बॅगची किंमत आणि बाजारात कधी उपलब्ध होईल, याबाबत कंपनीने कोणताही खुलासा केलेला नाही.