Cheapest 5G Smartphone: भारतात मागच्या महिन्यात ५ जी सेवा सुरु करण्यात आली असून यामुळे आता अनेक जण ५जी स्मार्टफोन खरेदीसाठी बाजारपेठेत गर्दी करत आहेत. स्मार्टफोन निर्माती कंपनी लावा इंडियाने (Lava) आपला नवीन ५जी फोन ‘Lava Blaze 5G’ लॉन्च केला आहे. हा देशातील सर्वात स्वस्त ५ जी स्मार्टफोन असून हा स्मार्टफोन बाजारामध्ये चांगल्या कॅमेरा क्वालिटीसह लाँच करण्यात आला आहे. लावाने लाँच केलेला हा स्मार्टफोन सॅमसंग, ओपोच्या आधीपासून अस्तित्वात असलेल्या ५ जी मोबाईल सोबत स्पर्धा करू शकेल.
Lava Blaze 5G वैशिष्ट्ये
या स्मार्टफोनमध्ये, कंपनी १६००×७२० पिक्सेल रिझोल्यूशनसह ६.५-इंच HD + LCD पॅनेल देत आहे. त्याचा रीफ्रेश दर ९०Hz आहे. या फोनमध्ये ४ जीबी रॅम, ३ जीबी व्हर्च्युअल रॅम आणि १२८ जीबी स्टोरेज आहे, ज्याला तुम्ही मायक्रो SD कार्डच्या मदतीने १TB पर्यंत वाढवू शकता. Lava Blaze 5G दोन रंग पर्याय ग्लास ग्रीन आणि ग्लास ब्लू मध्ये लॉन्च करण्यात आला आहे. हा फोन ५जी नेटवर्कसह ४जी नेटवर्कवर काम करेल. कंपनीच्या मते, हा फोन ५जी च्या सर्व भारतीय बँडवर चालेल. OS- हा फोन Android १२ सह सादर करण्यात आला आहे.
आणखी वाचा : ‘या’ नव्या स्मार्टफोनने करा DSLR सारखी फोटोग्राफी; लवकरच बाजारपेठेत घालणार धुमाकूळ
Lava Blaze 5G चा कॅमेरा
Lava Blaze 5G मध्ये ४ जीबी रॅम आणि १२८ जीबीचे स्टोरेज आणि तीन रियर कॅमेरे दिले आहेत. यात ५० मेगापिक्सलचा AI आहे. फ्रंट मध्ये ८ मेगापिक्सलचा कॅमेरा दिला आहे.
Lava Blaze 5G बॅटरी
यात ५,०००mAh ची बॅटरी दिली आहे. Lava Blaze 5G सोबत यूएसबी टाईप-सी पोर्ट मिळणार आहे. साइड माउंटेड फिंगरप्रिंट सेंसर मिळेल. कनेक्टिविटीसाठी पाच ५जी बँड्स शिवाय, ४जी VoLTE, डुअल बँड Wi-Fi आणि ब्लूटूथ v५.१ चा सपोर्ट मिळेल. फोनमध्ये टाइप सी चार्जिंग देखील देण्यात आले आहे. कंपनीच्या म्हणण्यानुसार, फोन २ तास ५० मिनिटांत पूर्ण चार्ज होईल.
Lava Blaze 5G किंमत
हा स्मार्टफोन तुम्ही ई-कॉमर्स वेबसाइट अ‌ॅमेझॉन वरून खरेदी करू शकाल. १० हजार रुपयांपेक्षा कमी किंमतीत मिळणारा हा देशातील सर्वात स्वस्त ५जी फोन आहे.
