iphone at just 20000 in flipkart year end sale: आयफोन एकदा तरी वापरुन पहावं असं सर्वांनाच वाटतं. त्यामुळेच आयफोन कमी किंमतीत उपलब्ध असेल आणि फोन बदलण्याचा विचार असेल तर या प्रिमियम फोनला प्राधान्य देणाऱ्यांची संख्या दिवसोंदिवस वाढत आहे. अनेकदा इच्छा असूनही केवळ किंमत जास्त असल्याने आयफोन विकत घेण्याचा विचार अनेकजण बाजूला ठेवतात. तर बरेचजण आयफोन विकत घेण्यासाठी ऑफर्सची किंवा ऑनलाइन सेल्सची वाट पाहतात. तुम्हीही असे वाट पाहणाऱ्यांपैकी एक असाल तर तुमच्यासाठी एक आनंदाची बातमी आहे. सध्या फ्लिपकार्टवर सुरु असलेल्या इयर एण्ड सेलमध्ये ऑफर्स अंतर्गत आयफोन ११ वर मोठी सूट देण्यात आली आहे. अगदी कमी किंमतीत तुम्ही आयफोन विकत घेऊ शकता. आयफोन ११ च्या ६४ जीबी व्हेरिएंटची किंमत ४३ हजार ९०० रुपये इतकी आहे. मात्र फ्लिपकार्टवरील सेलमध्ये यावर ३ हजार ९०१ रुपयांची सरसकट सूट म्हणजेच फ्लॅट डिस्काऊंट आहे. या सवलतीमुळे हा फोन ३९ हजार ९९९ ना विकत घेता येईल. तसेच फ्लिपकार्टवरुन अॅक्सिस बँक क्रेडिट कार्डवर फोन घेतल्यास पाच टक्के अधिक सवलत मिळणार आहे. ही सूट जास्तीत जास्त दोन हजारांपर्यंत आहे. विशेष म्हणजे या फोनवर फ्लिपकार्टकडून एक्सचेंज ऑफरही दिली जात आहे. एक्सचेंज ऑफरअंतर्गत जुन्या फोनच्या मोबदल्यात जास्तीत जास्त १७ हजार ५०० रुपयांपर्यंतची सूट मिळेल. मात्र ही सर्वाधिक सूट जुन्या स्मार्टफोनची कंपनी, मॉडेल आणि फोनची स्थिती कशी आहे याबरोबरच ऑर्डर कोणत्या भागातून केली जाणार म्हणजेच डिलेव्हरी लोकेशनवरही अवलंबून आहे. त्यामुळेच या १७ हजार ५०० रुपयांपैकी किती पैसे कमी होणार हे कोणता फोन एक्सचेंज करणार यावर अवलंबून आहे. कंपनीने फक्त सर्वाधिक एक्सचेंज प्राइजची घोषणा केली आहे. जर फ्लिपकार्टवरील ३९०१ रुपयांची सूट, क्रेडिट कार्डवर मिळणारी दोन हजारांची सूट आणि एक्सचेंजमध्ये सर्वाधिक सूट मिळाली तर आयफोन ११ केवळ २० हजार ४९९ रुपयांना विकत घेता येईल. आयफोन ११ मध्ये ६.१ इंचाचा लिक्विड रेटीना एचडी डिस्प्ले आणि ए १३ बायोनिक प्रोसेसर आहे.