‘या’ ५ सोप्या मार्गांनी तुमचे पैसे ठेवा सुरक्षित; जाणून घ्या ऑनलाइन पेमेंटच्या क्लुप्त्या

स्क्रीन लॉक

मजबूत स्क्रीन लॉक, पासवर्ड किंवा पिन केवळ तुमच्या फोनसाठीच नाही तर सर्व पेमेंट किंवा आर्थिक व्यवहार अँप्ससाठीही ठेवणे खूप महत्त्वाचे आहे. हे केवळ तुमचा फोन चुकीच्या हातात येण्यापासून वाचवत नाही तर वैयक्तिक आणि महत्त्वपूर्ण तपशील लीक होण्यापासून देखील मदत करते.

पिन शेअर करू नका

तुम्ही तुमचा पिन कधीही कोणाशीही शेअर करू नका. तुमचा पिन उघड झाला आहे असे तुम्हाला वाटत असल्यास, तुम्ही तो ताबडतोब बदलला पाहिजे.

आणखी वाचा : वेगवेगळ्या वेबसाईट्सचा पासवर्ड लक्षात राहत नाही? Google चे ‘पासकी’ फीचर वापरून लगेच व्हा चिंतामुक्त

फेक कॉल्स घेऊ नका

तुम्ही फेक कॉल उचलणे देखील टाळा. कॉलर तुमच्या बँकेतून किंवा इतर कोणत्याही संस्थेकडून कॉल करत असल्याची बतावणी करतो आणि तुम्हाला तुमचे तपशील जसे की पिन, ओटीपी इ. विचारू शकतो.

लिंक्सवर क्लिक करणे टाळा

काही अनव्हेरिफाईड लिंक असलेले बरेच बनावट संदेश तुमच्या इनबॉक्समध्ये येत राहतात. तुम्ही अशा लिंक्सवर क्लिक करणे टाळावे कारण यामुळे तुमचे मोठे आर्थिक नुकसान होऊ शकते.

एकाच वेळी अनेक पेमेंट अॅप्लिकेशन्स वापरणे टाळा

तुम्ही तुमच्या फोनमध्ये एकापेक्षा जास्त पेमेंट अॅप्लिकेशन्स ठेवणे टाळावे आणि प्लेस्टोअर किंवा अॅप स्टोअर वरून फक्त विश्वसनीय आणि सत्यापित पेमेंट ऍप्लिकेशन्स इंस्टॉल करावे.