ट्विटरमधून काढूल टाकलेल्या कर्मचाऱ्यांना कामावर घेणार ‘ही’ कंपनी, भारतात ट्विटरला देतंय टक्कर

भारतीय मायक्रोब्लॉगिंग संकेतस्थळ ‘कू’ने ट्विटरच्या माजी कर्मचाऱ्यांना नोकरी देणार असल्याचे म्हटले आहे. ‘कू’चे सह – संस्थापक मयंक बिदावतका यांनी ट्विट करून याबाबत माहिती दिली. आम्ही ट्विटरच्या काही माजी कर्मचाऱ्यांना कामावर ठेवू. जिथे त्यांच्या प्रतिभेची कदर केली जाते तिथे ते काम करण्यासाठी पात्र आहेत, असे ट्विट मयंक यांनी केले आहे. तसेच, मायक्रो – ब्लॉगिंग हे लोकांच्या शक्तीबद्दल आहे, दमनासाठी नाही, असेही मयंक यांनी म्हटले.

आणखी वाचा

पात्र झोपडीधारकाकडून खरेदी केलेल्यांना दिलासा; राज्य सरकारची अभय योजना

Bigg Boss Marathi 5: सर्व एलिमिनेटेड सदस्यांची घरात…

चौकट मोडताना: अनुभवानंतरचे शहाणपण

लष्करातील जवानाच्या होणाऱ्या पत्नीचा पोलीस ठाण्यातच लैंगिक छळ, दोन महिला पोलीस कर्मचाऱ्यांसह पाच जण निलंबित

Chennai : धक्कादायक! पार्सल देण्यास उशीर झाल्याने महिलेची शिवीगाळ, मन दुखावल्याने फूड डिलीव्हरी बॉयची आत्महत्या

New Cyber Fraud: मोबाइलच्या किपॅडवर ‘शून्य’ दाबताच लाखोंचा गंडा; या सायबर स्कॅमपासून सावध व्हा

कर्मचाऱ्यांपुढे ‘सेबी’चे अखेर नमते, प्रसिद्धी पत्रक मागे घेण्याचा नियामकांवर प्रसंग

२००८ पासून मार्केट गाजवणारी Yamaha आता नव्या अवतारात दाखल; किंमत पूर्वीपेक्षा कमी, तर इंजिनचंही बदललं रूप

(आता ग्रुपमध्ये घडवता येणार पोल, व्हॉट्सअ‍ॅपमध्ये असे करा तयार)

मुदती आधी कर्मचाऱ्यांनी सोडली नोकरी

‘ट्विटर’चे नवे मालक जगप्रसिद्ध उद्योगपती इलॉन मस्क यांनी ‘ट्विटर’ कर्मचाऱ्यांना नोकरी सोडायची की नाही? हे ठरवण्यासाठी गुरुवापर्यंतची मुदत दिली होती. मात्र, मुदतीआधी शेकडो कर्मचाऱ्यांनी तीन महिन्यांचे आगाऊ वेतन घेऊन कंपनीचा राजीनामा देण्याचा निर्णय घेतला. त्यामुळे, खुद्द कंपनीच गोंधळल्याचे चित्र निर्माण झाले आणि उर्वरित कर्मचाऱ्यांना रोखण्याचे प्रयत्न सुरू करण्यात आले.

‘द न्यूयॉर्क टाइम्स’च्या वृत्तानुसार, मस्क यांनी दिलेल्या गुरुवारी ५ वाजेपर्यंतच्या मुदतीआधी शेकडो कर्मचाऱ्यांनी राजीनामा देण्याचा निर्णय घेतला. दरम्यानच्या काळात मस्क आणि त्यांचे काही सल्लागार यांनी कर्मचाऱ्यांच्या राजीनामासत्राची गंभीर दखल घेऊन त्यांना कंपनी सोडण्यापासून परावृत्त करण्यासाठी बैठकाही घेतल्या. मस्क यांनी कंपनीच्या ‘दूरस्थ कार्यपद्धती’ धोरणा (रिमोट वर्क पॉलिसी) संदर्भात गोंधळ निर्माण करणारे काही ट्वीट संदेश प्रसारित केल्याने गोंधळात आणखी भर पडली, असे ‘न्यू यॉर्क टाइम्स’ने म्हटले आहे.