LAVA ही एक भारतीय कंपनी आहे. जुलै २०२२ मध्ये भारतीय बाजारपेठेमध्ये lava Blaze स्मार्टफोन लॉन्च केला होता. तेव्हापासून, कंपनीने Blaze सिरिजमधील Lava Blaze NXT, Lava Blaze Pro आणि Lava Blaze 5G हे फोन्स लॉन्च केले आहेत. कंपनीने आता याच सिरीजमधला हा फोन लॉन्च केला आहे. कंपनीने Lava Blaze 2 हा स्मार्टफोन लॉन्च केला आहे. कंपनीने सोशल मीडियाद्वारे या फोनबद्दल माहिती दिली आहे.
Lava Blaze 2 चे फीचर्स
Lava Blaze 2 या फोनमध्ये तुम्हाला ६.५ इंचाचा पंच होल HD डिस्प्ले वापरायला मिळणार आहे. या फोनमध्ये ५ आणि ६ जीबीसह ११ जीबी रॅमचा पर्याय देखील देण्यात आला आहे. तसेच ५००० mAh ची बॅटरी आणि १८W चा फास्ट चार्जिंग सपोर्ट मिळतो. १२८ जीबी इंटर्नल स्टोरेज यामध्ये आहे. हा फोन मल्टिटास्किंगला सपोर्ट करतो. सेफ्टी फीचर्समध्ये या फोनला फेसलॉक आणि फिंगरप्रिंट सेन्सर्स देण्यात आले आहेत.
हा फोन Amazon वर लिस्ट करण्यात आला आहे. फोनची विक्री देखील Amazon द्वारेच होण्याची शक्यता आहे. तसेच लावा ने लॉन्च केलेल्या या फोनमध्ये तुम्हाला १३ मेगापिक्सलचा ड्युअल रिअर कॅमेरा सेटअप मिळतो. तसेच कॅमेऱ्यामध्ये तुम्हाला अनेकप्रकारचे मोडस मिळणार आहेत. यामध्ये पोर्ट्रेट, नाईट, एआय मोड, प्रो मोड, ब्युटी, स्लो, मोशन फोटो, ऑडिओ नोट, टाइम लॅप्स, फिल्टर आणि एचडीआर इत्यादीसह अनेक मोड कॅमेरामध्ये दिले आहेत.
काय असणार फोनची किंमत ?
Lava Blaze 2 हा स्मार्टफोन तुम्ही तीन रंगांमध्ये खरेदी करू शकता. Glass Blue, Glass Black आणि Glass Orange हे तीन रंगांचे पर्याय उपलब्ध असणार आहेत. फोनची विक्री १८ एप्रिलला १२ वाजल्यापासून सुरु होणार आहे. तसेच या फोनची किंमत ८,९९९ रुपये ठेवण्यात आली आहे.
