मेड इन इंडिया ड्रोनचं ताशी १०० किमी वेगाने उड्डाण, १५० किलो माल वाहून नेण्याची क्षमता

देशात नवनवीन तंत्रज्ञान येत आहे. आता ड्रोन तंत्रज्ञानाचा वापर माल पोहोचवण्यासाठी केला जात आहे. यामुळे दुर्गम भागातही मालाची डिलिव्हरी सहज करता येईल आणि वेळही कमी लागेल. काही दिवसांपूर्वीच बंगळूरुमध्ये एक अनोखा प्रयोग यशस्वी झाला होता. माहिती तंत्रज्ञान नगरी म्हणून ओळखल्या जाणाऱ्या या शहरात ड्रोन्सच्या साहाय्याने औषधे पोहोचती करण्यात आली होती. या दृष्टीने भारतातील पहिले ड्रोन दोन वर्षांत येऊ शकते. हे ड्रोन ताशी १०० किलोमीटर वेगाने १५० किलोमीटरपर्यंत जाईल. तसेच १५० किलो माल वाहतूक करू शकेल. जिथे पॅकेज डिलिव्हर करण्यासाठी ७२ तास लागतो, तिथे आता ८ ते १२ तासात सामान वितरित केले जाऊ शकते. या मेड इंडिया ड्रोनचे नाव HL-150 आहे. ड्रोन न्यूजस्पेस रिसर्च अँड टेक्नॉलॉजीजने डिझाइन केले आहे. बेंगळुरू-आधारित स्टार्टअपने ड्रोन वितरण सेवेचा प्रयोग करण्यासाठी एअरलाइन स्पाइसजेटशी भागीदारी केली आहे. यासंदर्भात माहिती देताना न्यूजस्पेसचे सीईओ समीर जोशी म्हणाले की, डिझाइन पूर्णपणे अंतर्गत केले गेले आहे. कंपनी सरकारी हिंदुस्तान एरोनॉटिक्स लिमिटेड (HAL) सोबत काम करत आहे.

HAL भारतीय हवाई दलासाठी मानवरहित हवाई वाहने (UAV) आणि लष्करासाठी ड्रोन तयार करते. ड्रोन १०० किमी प्रतितास वेगाने उड्डाण करेल. खराब हवामानातही चांगले उड्डाण करू शकेल. ड्रोनमध्ये प्रगत संगणकीय प्रणाली असून आर्टिफिशिअल इंटेलिजेस अल्गोरिदमद्वारे स्वतंत्र्यपणे संचालित होते. हा ड्रोन इलेक्ट्रिक मोटरद्वारे संचलित होते.

आणखी वाचा

मुंबई विमानतळावरून पावणेतीन कोटींचे सोने जप्त, दोन कर्मचाऱ्यांना अटक

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

देशातील पक्ष्यांच्या संख्येत लक्षणीय घट; जाणून घ्या, मानवी चुका किती हानीकारक

पुणे जिल्ह्यात प्रथमच दुर्मीळ ‘युरेशियन पाणमांजरा’चा शोध, इंदापूरमधील विहिरीमध्ये पडलेल्या पाणमांजराची सुटका

पंतप्रधानांच्या दौऱ्यानिमित्त ड्रोन, पॅराग्लायडर उड्डाणास बंदी; आदेशाचा भंग केल्यास कारवाईचा इशारा

पुणे : स्पर्धा परीक्षेची तयारी करणाऱ्या तरुणाचा मोबाईल हिसकाविला

मोबाइल चोरणाऱ्या सराइतांना अटक; १२ मोबाइल संच जप्त; ९ गुन्हे उघड

टाटा रुग्णालयाकडून कमी कालावधीत सर्वाधिक रोबोटिक शस्त्रक्रिया

न्यूजस्पेसचे HL-१५० जगभरातील ई-कॉमर्स ऑपरेशन्ससाठी विकसित केल्या जाणाऱ्या इतर ड्रोनपेक्षा वेगळे आहे. सध्या, व्यावसायिक ड्रोन ऑपरेशन्स वापर १ ते ५ किलो वजनाच्या वस्तू त्याच्या गंतव्यस्थानावर वितरित केले जाते. भारतामध्ये १ डिसेंबर २०१८ पासून ड्रोनसंदर्भातील नियम अधिकृतरीत्या लागू करण्यात आले. तेव्हापासून सर्वसामान्यांना ड्रोन उडवण्याची परवानगी मिळाली. १५ जुलै २०२१ रोजी नवीन नियमावली जाहीर करण्यात आली. त्यात ड्रोनसाठी लागणाऱ्या परवानग्यांची संख्या कमी करण्यात आली. ड्रोन हे एक प्रकारचे मानवरहित विमानच असते. ते रिमोट कंट्रोलच्या साहाय्याने उडवले आणि नियंत्रित केले जाते.