Meta कंपनी गेले काही दिवस ट्विटरला टक्कर देण्यासाठी Threads अ‍ॅप लॉन्च करण्याची तयारी करत होती. अखेर मेटाने अधिकृतपणे आज Threads अ‍ॅप लॉन्च केले आहे. हे अ‍ॅप ट्विटरला टक्कर देणार आहे. एलॉन मस्क यांच्या ट्विटरला टक्कर देण्यासाठी हे अ‍ॅप लॉन्च करण्यात आले आहे. त्यातच मेटा कंपनीचे सीईओ आणि फेसबुकचे संस्थापक मार्क झुकरबर्ग हे तब्बल ११ वर्षे ट्विटरपासून लांब होते. आज सकाळी मायक्रोब्लॉगिंग साईट ट्विटरवर ते पुन्हा सक्रिय दिसले. त्यांनी एक ट्वीट केले आहे.
मार्क झुकरबर्ग यांनी एक मिम शेअर केले आहे. ज्यामध्ये स्पायडरमॅनच्या कपड्यांमध्ये असलेला एक माणूस त्याच कपड्यांमधल्या दुसऱ्या व्यक्तीकडे बोट दाखवत आहे. हा फोटो १९६७ च्या स्पायडर-मॅन कार्टून “डबल आयडेंटिटी” मधील आहे . ज्यात एक खलनायक नायकाचे रूप धारण करण्याचा प्रयत्न करतो. हे मिम कोणत्याही कमेंट शिवाय पोस्ट करण्यात आले आहे. याबाबतचे वृत्त ndtv ने दिले आहे.
मार्क झुकरबर्ग यांनी आधीचे ट्वीट १८ जानेवारी २०१२ रोजी केले होते.
”मला वाटते की जगाला अशा प्रकारच्या मैत्रीपूर्ण समुदायाची गरज आहे आणि मी तुम्हा सर्वांचा आभारी आहे. थ्रेडस आता App स्टोअरमध्ये उपलब्ध आहे.” झुकरबर्ग म्हणाले. थ्रेड्स ट्विटरपेक्षा मोठे होऊ शकतात का या प्रश्नाला उत्तर देताना झुकरबर्ग म्हणाले, ”यासाठी थोडा वेळ लागेल. परंतु मला वाटते की त्यावर १ अब्ज पेक्षा जास्त लोकांसाठी सार्वजनिक संवादासाठी App असावे. ट्विटरजवळ हे करण्याची संधी आहे मात्र त्याने हे केले नाही. अाशा आहे की आम्ही हे करू.”
Threads अ‍ॅप हे नवीन असले तरी इन्स्टाग्रामच्या ब्रॅंडिंग आणि संरचना याच्या अंतर्गत येते. ज्यामुळे वापरकर्त्यांना त्यात सहजपणे लॉग इन करता येते आणि कोणत्याही अडचणींशिवाय आपलया मित्रांना शोधू शकतात. थ्रेडस इन्स्टाग्रामचे टेक्स्ट आधारित संभाषण App आहे. हे App लोकांना एकत्रित येण्याची आणि त्यांना आजच्या महत्वाच्या प्रत्येक गोष्टीवर आणि उद्या काय ट्रेडिंग असेल याबद्दल चर्चा करण्याची परवानगी देते.
खरे तर मेटाला ट्विटरच्या वापरकर्त्यांना टक्कर देण्यासाठी आपल्या इन्स्टाग्राम वापरकर्त्यांमधील एक चतुर्थांश वापरकर्त्यांना थ्रेड्समध्ये सामील होण्याची शक्यता आहे.
