Motorola एक लोकप्रिय मोबाइल कंपनीने आहे. कंपनीने भारतात आपला एक नवीन स्मार्टफोन लॉन्च केला आहे. मोटोरोलाने देशात Moto G14 हा फोन सादर केला आहे. हा फोन एकाच स्टोरेज व्हेरिएंटमध्ये आणि दोन रंगांमध्ये लॉन्च करण्यात आला आहे. तर या फोनमध्ये काय काय फीचर्स आहेत आणि याची किंमत याबद्दल जाणून घेऊयात.
Moto G14 : फीचर्स
Moto G14 मध्ये वापरकर्त्यांना ६.५ इंचाचा फुल एचडी + एलसीडी डिस्प्ले मिळणार आहे. ज्यात सेल्फीसाठी पंच होल कट आऊट आहे. या फोनला nisoc T616 चिपसेट आर्म माली-G57 MPI GPU चा सपोर्ट देण्यात आला आहे. यात ४जीबी रॅम आणि १२८ जीबी स्टोरेज मिळते. याचे स्टोरेज मायक्रोएसडी कार्डद्वारे १ टीबी पर्यंत वाढवता येतो. याबाबतचे वृत्त Business Today ने दिले आहे.
फोटोग्राफीसाठी यामध्ये ड्युअल रिअर कॅमेरा सेटअप येतो. ज्यात ५० मेगापिक्सलचा प्रायमरी सेन्सर आणि २ मेगापिक्सलचा मॅक्रो लेन्सचा समावेश आहे. सेल्फी व व्हिडिओसाठी ८ मेगापिक्सलचा कॅमेरा मिळतो. Moto G14 मध्ये वापरकर्त्यांना ५००० mAh क्षमतेची बॅटरी मिळते. ज्याला २०W चे फास्ट चार्जिंग सपोर्ट करते. हा फोन पाणी आणि धूळ प्रतिरोधासाठी IP52 रेटिंगसह येतो. कनेक्टिव्हिटीसाठी, स्मार्टफोनमध्ये 3.5mm हेडफोन जॅक, USB टाइप-सी पोर्ट, ड्युअल वाय-फाय, GPS, A-GPS आणि 4G LTE आहे.
Moto G14 : किंमत
Moto G14 हा फोन ४ जीबी रॅम आणि १२८ जीबी स्टोरेज या एकाच व्हेरिएंटमध्ये लॉन्च करण्यात आला आहे. याची किंमत ९,९९९ रुपये इतकी आहे. हा फोन स्टील ग्रे आणि स्काय ब्लू या दोन रंगांमध्ये खरेदी करता येणार आहे. मोटो जी १४ याची ८ ऑगस्टपासून सुरु होणार आहे. दुपारी १२ वाजल्यापासून फ्लिपकार्ट आणि मोटोरोला इंडियाची अधिकृत वेबसाईट आणि किरकोळ स्टोअर्सवर उपलब्ध होईल. खरेदीदारांना ICICI बँकेच्या कार्डावर ७५० रुपयांचा झटपट डिस्काउंट मिळेल.
याआधी मंगळवारी शाओमीने भारतात १० हजार रुपयांखालील नवीन स्मार्टफोन लॉन्च केला. Redmi 12 4G मध्ये ५० मेगापिक्सलचा ड्युअल रिअर कॅमेरा , ५००० mAh क्षमतेची बॅटरी आणि ६.७ इंचाचा डिस्प्ले व MediaTek Helio G88 12nm प्रोसेसरचा सपोर्ट मिळतो. भारतात ४ ऑगस्टपासून फ्लिपकार्टवर त्याची विक्री सुरू होईल.
