पेगाससचे प्रकरण अद्याप पूर्णपणे सुटलेले नाही आणि आणखी एक धोकादायक स्पायवेअर समोर आला आहे. जर तुम्ही विचार करत असाल की आम्ही कशाबद्दल बोलत आहोत, तर आम्ही तुम्हाला सांगतो की Pegasus नंतर आता Hermit Spyware चे नाव समोर येत आहे. मीडिया रिपोर्ट्सनुसार, या स्पायवेअरचा वापर हाय-प्रोफाइल अधिकाऱ्यांची हेरगिरी करण्यासाठी केला जात आहे.
अनेक संशोधकांचे म्हणणे आहे की पेगासस नंतर आता एक नवीन अँड्रॉइड स्पायवेअर उदयास आले आहे, ज्याचे नाव ‘हर्मिट’ आहे. या स्पायवेअरचा वापर सरकार उच्च प्रोफाइल अधिकाऱ्यांची हेरगिरी करण्यासाठी करत असल्याचे अहवालात म्हटले आहे. व्यापारी, मानवाधिकार कार्यकर्ते, पत्रकार आणि सरकारी अधिकारी यांचा या यादीत समावेश आहे. संशोधकांच्या म्हणण्यानुसार, हे स्पायवेअर इटलीच्या स्पायवेअर विक्रेत्या, आरसीएस लॅब आणि टेलिकम्युनिकेशन सोल्यूशन कंपनी टायकेलॅब एसआरएल यांनी बनवले आहे.
हे स्पायवेअर या देशांमध्ये सक्रिय आहे
लुकआउटच्या संशोधकांच्या मते, हा स्पायवेअर पहिल्यांदा कझाकिस्तानमध्ये या वर्षी एप्रिलमध्ये दिसला होता. कझाक सरकारने सरकारी धोरणांविरोधातील सार्वजनिक निषेध दडपले तेव्हा ही माहिती मिळाली. या स्पायवेअरचा वापर सीरियाच्या ईशान्य कुर्दिश प्रदेशात आणि इटलीमध्ये भ्रष्टाचारविरोधी तपासासाठी केला गेला.
हर्मिट स्पायवेअर कसे कार्य करते
हर्मिट स्पायवेअर हे एक अँड्रॉइड स्पायवेअर आहे जे लक्ष्याच्या सिस्टमवर एसएमएसद्वारे सहजपणे स्थापित केले जाऊ शकते. हे इन्स्टॉल करण्यासाठी असे एसएमएस पाठवले जातात जे दूरसंचार कंपन्या, सॅमसंग आणि ओप्पो सारख्या लोकप्रिय स्मार्टफोन ब्रँडने यांनी पाठवलेल्या एसएमएस सारखेच भासतात. हे एसएमएस इतके खरे वाटतात की लोक सापळ्यात अडकतात आणि ते स्पायवेअर त्यांच्या फोनवर डाउनलोड करतात.
पुरुष Google वर सर्वात जास्त काय सर्च करतात? संशोधनातून झाले अनेक रंजक खुलासे
लुकआउटच्या मते, हर्मिट हा एक मालवेअर आहे जो अँड्रॉइडच्या प्रत्येक मॉडेलवर काम करू शकतो. लुकआउटचे संशोधक पॉल शंक म्हणतात की ज्या अँड्रॉईड व्हर्जनवर हर्मिट इन्स्टॉल आहे, ते मॉडेल कशी काम करते हे समजून घेण्यासाठी ते वारंवार ते मॉडेल तपासते. त्यांच्या मते हा मालवेअर इतर अ‍ॅप-आधारित स्पायवेअरपेक्षा वेगळा आहे. सध्या, ते फक्त अँड्रॉइडवर पाहिले गेले आहे आणि ते आयओएसवर आढळलेले नाही.
