New Year 2022: १ जानेवारी २०२२ पासून ATM मधून पैसे काढण्यासाठी द्यावे लागणार जास्त पैसे, नियम बदलणार

एटीएममधून पैसे काढणं महागणार

आरबीआयने एटीएममधून मोफत व्यवहारानंतर रोख पैसे काढण्यावरील शुल्क वाढवण्यास मान्यता दिली आहे. बँका सध्या ग्राहकांकडून प्रति व्यवहारासाठी २० रुपये आकारतात. त्यात करांचा समावेश नाही. आरबीआयच्या म्हणण्यानुसार, मोफत व्यवहारानंतर बँका त्यांच्या ग्राहकांकडून प्रति व्यवहार २० ऐवजी २१ रुपये आकारू शकतील. त्यात करांचा समावेश नाही. हा नियम १ जानेवारी २०२२ पासून लागू होणार आहे.

(हे ही वाचा: Google Pay New Rule : १ जानेवारीपासून ऑनलाइन पेमेंटशी संबंधित ‘हे’ नियम बदलणार)

याशिवाय, मध्यवर्ती बँकेने बँकांना आर्थिक व्यवहारांसाठी प्रत्येक व्यवहारासाठी इंटरचेंज शुल्क १५ रुपयांवरून १७ रुपये आणि सर्व केंद्रांमधील गैर-आर्थिक व्यवहारांसाठी ५ रुपयांवरून ६ रुपये करण्याची परवानगी दिली होती. हे १ ऑगस्ट २०२१ पासून लागू झाले.