नोकिया ही अत्यंत लोकप्रिय अशी मोबाइल उत्पादक कंपनी आहे. आपल्या ग्राहकांसाठी कंपनी ज्यात अनेक अपडेट आणि फीचर्स असतील असे नवनवीन स्मार्टफोन्स लॉन्च करत असते. नोकियाची मूळ कंपनी HMD ही आहे. नोकियाचे फोन तयार करणाऱ्या HMD ग्लोबल कंपनीने भारतातील ५जी मार्केटमध्ये एक नवीन ५जी स्मार्टफोन लॉन्च केला आहे. Nokia G42 5G असे या लॉन्च झालेल्या नवीन स्मार्टफोनचे नाव आहे. या स्मार्टफोनच्या फीचर्सबद्दल, किंमतीबद्दल आणि स्पेसिफिकेशनबद्दल आधी जाणून घेऊयात.
लॉन्च झालेला नोकिया G42 5G हा स्मार्टफोन पर्पल आणि ग्रे या दोन रंगांमध्ये लॉन्च करण्यात आला आहे. यामध्ये १२८ जीबी स्टोरेज वापरकर्त्यांना मिळणार आहे. Nokia G42 5G मध्ये स्नॅपड्रॅगन 480 प्लस 5G चिपसेटचा सपोर्ट देण्यात आला आहे. यामध्ये वापरकर्त्यांना दोन वर्षांची OS अपग्रेडची ऑफर मिळणार आहे. याबाबतचे वृत्त Business Today ने दिले आहे.
हेही वाचा : iPhone 15: आज लॉन्च होणार आयफोन १५ सिरीज; कुठे पाहता येणार लाइव्ह इव्हेंट? जाणून घ्या
HMD ग्लोबलचे भारत आणि APAC चे उपाध्यक्ष रवी कुंवर म्हणाले, ” नोकिया जी ४२ ५जी सह आम्ही तुम्हाला एक शाश्वत आणि स्थिर अनुभवाचे वचन देतो. ”
नोकियाच्या या नवीन फोनमध्ये तीन दिवस टिकेल इतक्या क्षमतेची बॅटरी देण्यात आली आहे. यामध्ये ११ जीबी रॅम आणि १२८ जीबी स्टोरेज तसेच (५ जीबी फिजिकल रॅम आणि ५जीबी व्हर्च्युअल रॅम ) मिळणार आहे. वापरकर्त्यांना ६.५६ इंचाचा गोरिला ग्लास ३ डिस्प्ले मिळेल. ज्याचा रिफ्रेश रेट हा ९० Hz इतका असणार आहे. तसेच ५० मेगापिक्सलचा प्रायमरी कॅमेरा देखील फोटोग्राफीसाठी मिळणार आहे.
काय आहे किंमत ?
या स्मार्टफोनचा सेल १५ सप्टेंबरपासून दुपारी १२ वाजता Amazon इंडियावर सुरु होणार आहे. हा स्मार्टफोन १५ हजारांपेक्षा कमी किंमतीमधील परवडणाऱ्या ५ जी स्मार्टफोनमधील एक फोन आहे. या स्मार्टफोनची किंमत १२,५९९ रुपये आहे.
