अखेर भारतामध्ये बहुप्रतीक्षित असा Nothing Phone (2) लॉन्च झाला आहे. या फोनच्या ठळक आणि महत्वाच्या फीचर्समध्ये ग्लिफ डिझाईन, क्वालकॉम स्नॅपड्रॅगन 8+ जनरल 1 चिपसेटचा सपोर्ट आणि ६.७ इंचाचा डिस्प्ले तसेच ४,७०० mAh क्षमतेच्या बॅटरीचा समावेश आहे. हा स्मार्टफोन विक्रीसाठी Flipkart वर उपलब्ध असणार असून, भारतात देखील प्री-ऑर्डर उपलब्ध आहे.
Nothing Phone (2): स्पेसिफिकेशन्स आणि फीचर्स
नथिंग फोन (२) मध्ये वापरकर्त्यांना ६.७ इंचाचा LTPO OLED डिस्प्ले मिळणार आहे. ज्याचा रिफ्रेश रेट हा १२० Hz इतका आहे. हा फोन Snapdragon 8+ Gen 1 चिपसेटद्वारे समर्थित आहे. यामध्ये कंपनीने १२ जीबी रॅम आणि ५१२ जीबी स्टोरेंज ऑफर केले आहे. हा फोन ऑप्टिकल इन डिस्प्ले फिंगरप्रिंट सेन्सरसह येतो.
फोटोग्राफीसाठी नथिंग फोन (२) मध्ये ड्युअल रिअर कॅमेरा सेटअप देण्यात आला आहे. ज्यात ५० मेगापिक्सलचा Sony IMX890 प्रायमरी सेन्सर आणि ५० मेगापिक्सलचा सेन्सरचा समावेश आहे. तसेच सेल्फी आणि व्हिडिओसाठी ३२ मेगापिक्सलचा फ्रंट कॅमेरा मिळणार आहे. हा स्मार्टफोन अँड्रॉइड १४ आधारित NothingOS 2.0 वर चालतो. यात ४,७०० mAh क्षमतेची बॅटरी आणि त्याला ४५ W चा फास्ट चार्जिंग सपोर्ट देण्यात आला आहे. केवळ २० मिनिटांमध्ये ० ते ५० टक्के इतका चार्ज होऊ शकतो असा कंपनीचा दावा आहे. चार्जिंगसाठी USB टाईप -सी पोर्ट देण्यात आला आहे.
कधीपासून सुरू होणार सेल ?
नथिंग फोन (२) नुकताच भारतात लॉन्च करण्यात आला आहे. २१ जुलै पासून त्याची विक्री भारतात सुरू होणार आहे. या फोनची सुरूवातीची किंमत ४४,९९९ रुपये इतकी आहे. हा फोन खरेदी करणारे जे इच्छुक ग्राहक आहे ते Axix बँक आणि HDFC बँकेचा कार्ड वापरून अगदी कमी किंमतीमध्ये हा फोन खरेदी करू शकतात. या बँक कार्ड्सवर ३,००० रुपयांचा डिस्काउंट ऑफर आहे. यामुळे याची किंमत ४१,९९९ रुपये इतकी होते.
