OnePlus 10R Prime Blue Edition: 12GB RAM आणि 256 GB स्टोरेजसह भारतात लाँच; जाणून घ्या किंमत| OnePlus 10R Prime Blue Edition: Launched in India with 12GB RAM and 256 GB Storage; Know the price

OnePlus 10R प्राइम ब्लू एडिशन Amazon India वर विक्रीसाठी उपलब्ध करून दिले जाईल.

फोटो(प्रातिनिधिक)

OnePlus ने आपला नवीन स्मार्टफोन OnePlus 10R प्राइम ब्लू एडिशन भारतात लाँच केला आहे. नवीन OnePlus 10R प्राइम ब्लू एडिशन स्मार्टफोन सणासुदीच्या आधी देशात सादर करण्यात आला आहे. OnePlus 10R प्राइम ब्लू एडिशन स्मार्टफोन Amazon वर विक्रीसाठी उपलब्ध करून दिला जाईल. OnePlus वरून हा नवीनतम फोन खरेदी केल्यावर, Amazon प्राइम सबस्क्रिप्शन ३ महिन्यांसाठी विनामूल्य उपलब्ध असेल. सध्या OnePlus ने फोनची किंमत आणि वेरिएंटचा खुलासा केलेला नाही. पण Amazon वर याची पुष्टी झाली आहे की OnePlus 10R प्राइम ब्लू एडिशन स्मार्टफोन १५०वोल्ट चार्जिंगसह येणार नाही तर फक्त ८०वोल्ट फास्ट चार्जिंगसह येईल.

हे लक्षात घेण्यासारखे आहे की OnePlus 10R ८०वोल्ट फास्ट चार्जिंगसह ८जीबी रॅम आणि १२८जीबी स्टोरेज वेरिएंटची किंमत ३४,९९९ रुपये आहे. त्याच वेळी, १२ जीबी रॅम आणि २५६ जीबी स्टोरेज व्हेरिएंट ३८,९९९ रुपयांमध्ये येतो. नवीन OnePlus 10R प्राइम एडिशन देखील त्याच किमतीत उपलब्ध करून दिले जाईल अशी अपेक्षा आहे. हँडसेट सिएरा ब्लॅक आणि फॉरेस्ट ग्रीन कलरमध्ये येतो. फोनला मूळ OnePlus 10R प्रमाणेच वैशिष्ट्ये मिळण्याची अपेक्षा आहे.

( हे ही वाचा: Amazon ग्रेट इंडियन फेस्टिव्हल सेलची तारीख झाली जाहीर; iPhone 13 सह अनेक वस्तू मिळतील अर्ध्या किंमतीत)

OnePlus 10R तपशील

OnePlus 10R Prime Blue Edition मध्ये ६.७ इंचाचा AMOLED डिस्प्ले आहे. स्क्रीनचा रिफ्रेश दर १२० Hz आहे. डिस्प्ले HDR10+ सपोर्टसह येतो आणि डिस्प्लेच्या मध्यभागी एक होल पंच कटआउट देण्यात आला आहे. स्क्रीन संरक्षणासाठी कॉर्निंग गोरिल्ला ग्लास ५ उपस्थित आहे. फोनमध्ये मीडियाटेक डायमेंशन ८१०० मॅक्स प्रोसेसर देण्यात आला आहे.

OnePlus 10R स्मार्टफोनमध्ये इन-डिस्प्ले फिंगरप्रिंट सेंसर देण्यात आला आहे. फोनमध्ये ८जीबी आणि १२जीबी रॅमसह १२८जीबी आणि २५६जीबी इनबिल्ट स्टोरेज पर्याय आहे. हँडसेट Android 12 आधारित OxygenOS १२.१ सह येतो. हँडसेटला पॉवर देण्यासाठी ५०००mAh बॅटरी देण्यात आली आहे जी ८०वोल्ट फास्ट चार्जिंगला सपोर्ट करते. स्मार्टफोनमध्ये ड्युअल-टेक्श्चर बॅक पॅनल आणि मागील बाजूस सपाट फ्रेम आहे.

( हे ही वाचा: Lava Probuds N11 लाँच; Amazon वर फक्त ११ रुपयांमध्ये ३ दिवसांसाठी असेल उपलब्ध)

फोटोग्राफीसाठी OnePlus 10R स्मार्टफोनमध्ये ट्रिपल रियर कॅमेरा सेटअप देण्यात आला आहे. हँडसेट ५०एमपी Sony IMX766 प्राथमिक मागील सेन्सरसह येतो. फोनमध्ये ८ मेगापिक्सेल अल्ट्रावाइड आणि २ मेगापिक्सेल मॅक्रो सेन्सर देखील आहे. सेल्फी आणि व्हिडिओ कॉलसाठी स्मार्टफोनमध्ये १६ मेगापिक्सेल फ्रंट कॅमेरा आहे.

First published on: 13-09-2022 at 21:32 IST

Web Title: Oneplus 10r prime blue edition launched in india month amazon prine subscription free gps