Poco ही एक लोकप्रिय वाहन उत्पादक कंपनी आहे. आपल्या ग्राहकांसाठी कंपनी नवनवीन स्मार्टफोन लॉन्च करत असते. नुकतेच पोको कंपनीने परवडणारे ४जी स्मार्टफोन लॉन्च करण्यासाठी Bharti Airtel सह भागीदारी केली आहे. कंपनीच्या मते, Poco C51 ४जी एअरटेल प्रीपेड कनेक्शनसह लॉक होईल. हा फोन ग्राहक १८ जुलैपासून खरेदी करू शकतात.
एका विशिष्ट किंमतीसह हे डिव्हाइस खरेदी करणाऱ्या सर्व एअरटेल प्रीपेड ग्राहकांना एअरटेलकडून एक वेळचा ५० जीबी मोबाइल डेटा मिळेल. या ऑफरचा लाभ घेऊ इच्छिणाऱ्या गैर-एअरटेल ग्राहकांना जर का हा लाभ मिळवायचा असेल तर Activation साठी एअरटेलद्वारे डोअरस्टेप सिम कार्डचा फायदा घेऊ शकतात. याबबातचे वृत्त zeebiz ने दिले आहे.
पोको इंडियाचे कंट्री हेड हिमांशू टंडन या भागीदारीबाबत आपले म्हणणे व्यक्त केले. ते म्हणाले, ”आम्हाला पोको आणि एअरटेलमध्ये झालेल्या भागीदारीमुळे आनंद होत आहे. ज्यामुळे देशभरात पोको C51 ची ओळख आणि क्षमता स्पष्ट होईल. आम्ही पोकोच्या अत्याधुनिक टेक्नॉलॉजीचा फायदा प्रेक्षकांपर्यंत पोहचवू.”
Poco C51 स्मार्टफोनमध्ये MediaTek Helio G36 SoC प्रोसेसर देण्यात आला आहे. तसेच यामध्ये ५००० mAh क्षमतेची बॅटरी मिळते. तसेच डिव्हाइसमध्ये ७ जीबीची टर्बो रॅम मिळते. अनेक Apps मध्ये वेगाने चालविण्यासाठी आणि स्विच करण्यासाठी हे पुरेसे असू शकते. या पोकोच्या फोनमध्ये ६.५२ इंचाचा डिस्प्ले आणि लेदरच्या डिझाईन देखील येते. पोको C51 4G हा स्मार्टफोन एका व्हेरिएंटमध्येच उपलब्ध आहे. म्हणजे ४ जीबी रॅम आणि ६४ जीबी स्टोरेज असणाऱ्या व्हेरिएंटची किंमत ५,९९९ रुपये आहे.
पोको आणि एअरटेल मधील ही भागीदारी पूर्ण भारतामध्ये उच्च-गुणवत्तेच्या परवडणारे स्मार्टफोनची ओळख वाढवण्यासाठी एक महत्त्वपूर्ण पाऊल दर्शवते. त्याच्या फीचर्ससह आकर्षक किंमती आणि एअरटेलच्या सेवांचे अतिरिक्त फायदे Poco C51 स्मार्टफोन बाजारात चांगली छाप पाडण्यासाठी सज्ज आहे.हा स्मार्टफोन अँड्रॉइडच्या नवीन व्हर्जनवर चालतो. म्हणजेच अँड्रॉइड 13 Go – क्लीन UIवर हा फोन चालतो. कंपनीच्या म्हणण्यानुसार ग्राहकांना दोन वर्षाचे सिक्युरिटी अपडेट्स मिळतात.
