Poco ही एक लोकप्रिय मोबाईल उत्पादक कंपनी आहे. आपल्या ग्राहकांसाठी कंपनी नवनवीन फीचर्स आणि अपडेट असलेले स्मार्टफोन्स लॉन्च करत असते. आतासुद्धा लवकरच कंपनी आपला नवीन स्मार्टफोन लॉन्च करणार आहे. या फोनचे नाव Poco F5 असे आहे. तर याफोनचे फीचर्स, स्पेसिफिकेशन्स आणि किंमत याबद्दल आपण माहिती पाहणारच आहोत. त्याशिवाय हा फोन कधी लॉन्च होणार आहे तेही जाणून घेणार आहोत.
Poco F5 चे फीचर्स
पोकोचा Poco F5 हा अपकमिंग फोन रेडमी नोट १२ टर्बोचे री-ब्रँडेड व्हर्जन असेल. हा फोन ज्या दिवशी भारतामध्ये लॉन्च होणार आहे त्याच दिवशी त्याला जागतिक बाजारपेठेमध्ये लॉन्च करण्यात येणार आहे. या फोनमध्ये तुम्हाला रिअर पॅनेलमध्ये तीन कॅमेरे मिळतील ज्यामध्ये LED फ्लॅश लाईट देखील मिळेल. Poco F4 हा फोन मागील वर्षी भारतात लॉन्च करण्यात आला होता. अपकमिंग फोन या फोनचेच अपग्रेड व्हर्जन असणार आहे.
पोकोच्या या फोनमध्ये १२० Hz रिफ्रेश रेट असलेली स्क्रीन मिळणार आहे. तसेच फोनमध्ये ६४ मेगापिक्सलचा प्रायमरी कॅमेरा मिळू शकतो. तसेच अन्य २ लेन्स या ८ मेगापिक्सलचा अल्ट्रा वाईड आणि तिसरा कॅमेरा हा २ मेगापिक्सलचा असण्याची शक्यता आहे. तसेच सेल्फी आणि व्हिडीओ कॉलिंगसाठी १६ मेगापिक्सलचा कॅमेरा मिळण्याची शक्यता आहे.Poco F5च्या लॉन्चिंग आधीच कंपनी हे स्पष्ट केले आहे, हा फोन Snapdragon 7+ Gen 2 प्रोसेसरसह लॉन्च केला जाणार आहे. कंपनीने या फोनचा एक टिझर देखील ट्विटरवर शेअर केला आहे. हा स्मार्टफोन १२ जीबी रॅम आणि २५६ जीबी स्टोरेजसह लॉन्च केला जाऊ शकतो. तसेच यामध्ये ६.६७ इंचाचा फुल एचडी OLED डिस्प्ले मिळणार आहे.
हेही वाचा: Vivo X90 Series: विवोने लॉन्च केले ‘हे’ दोन जबरदस्त स्मार्टफोन; ५० MP कॅमेरासह मिळणार…
काय असू शकते किंमत ?
Poco F5 या स्मार्टफोनची किंमत ३०,००० रुपयांपर्यंत असण्याची शक्यता आहे. या फोनची स्पर्धा वनप्लसच्या अपकमिंग फोन OnePlus Nord 3 शी असणार आहे. हा स्मार्टफोन ९ मे २०२३ रोजी भारतामध्ये लॉन्च केला जाणार आहे. तसेच याच दिवशी तो जागतिक बाजारपेठेमध्ये देखील लॉन्च केला जाणार आहे.
