Realme ही एक लोकप्रिय मोबाइल उत्पादक कंपनी आहे. आपल्या ग्राहकांसाठी कंपनी नेहमीच नवनवीन फीचर्स आणि अपडेट्स असलेले स्मार्टफोन्स लॉन्च करत असते. आतासुद्धा कंपनीने आपल्या वापरकर्त्यांसाठी Realme C51 हा बजेट फ्रेंडली स्मार्टफोन भारतात लॉन्च केला आहे. यामध्ये अनेक फीचर्स वापरकर्त्यांना मिळणार आहेत. हा स्मार्टफोनची किंमत देखील जास्त नाही आहे. रिअलमी C51 या स्मार्टफोनची किंमत, त्याचे फीचर्स आणि इतर गोष्टींबद्दल जाणून घेऊयात.
Realme C51: फीचर्स
रिअलमी सी ५१ या स्मार्टफोनमध्ये ६.७४ इंचाचा डिस्प्ले वापरकर्त्यांना मिळणार आहे. त्या डिस्प्लेचा रिफ्रेश रेट हा ९०Hz इतका असणार आहे. रिअलमीच्या या नवीन स्मार्टफोनच्या कॅमेऱ्याबद्दल बोलायचे झाल्यास यामध्ये ५० मेगापिक्सलचा AI कॅमेरा मिळतो. यात व्हिडीओ , नाइट मोड तसेच पॅनोरामिक व्ह्यू असे फिचर मिळणार आहेत. यात आश्चर्यकारक सेल्फ-पोर्ट्रेट कॅप्चर करण्यासाठी ५ मेगापिक्सलचा सेल्फी कॅमेरा मिळणार आहे. याबाबतचे वृत्त Business Today ने दिले आहे.
रिअलमी C51 मध्ये ३३ W च्या SUPERVOOC चार्जींगसह ५००० mAh क्षमतेची बॅटरी वापरकर्त्यांना देण्यात आली आहे. २८ मिनिटांमध्ये हा फोन ० ते ५० टक्के चार्ज होऊ शकतो असा कंपनीचा दावा आहे. तसेच वापरकर्ते हा फोन मिंट ग्रीन आणि कार्बन ब्लॅक या दोन रंगांमध्ये खरेदी करू शकणार आहेत. हे डिव्हाइस २ टीबीपर्यंत एक्सटर्नल मेमरीला सपोर्ट करते. तसेच यामध्ये मेमरी कार्डसह दोन सिम कार्ड देखील ठेवता येणार आहेत.
किंमत आणि उपलब्धता
रिअलमी सी ५१ हा स्मार्टफोन ४ जीबी रॅम आणि ६४ जीबी स्टोरेज अशा एकाच व्हेरिएंटमध्ये लॉन्च करण्यात आला आहे. याची किंमत ८,९९९ रुपये असणार आहे. हा फोन फ्लिपकार्टवर उपलब्ध आहे. हा फोन १२८ जीबी पर्यंत ROM आणि ४जीबी + ४ जीबी डायनॅमिक रॅमसह येतो. खरेदीदार HDFC बँक आणि ICICI बँकेच्या डेबिट आणि क्रेडिट कार्डाच्या व्यवहारांवर ५०० रुपयांच्या झटपट डिस्काउंटसह बँक ऑफर्सचा देखील लाभ घेऊ शकता.
