Realme ने भारतीय बाजारपेठेमध्ये आपला नवीन स्मार्टफोन लॉन्च केला आहे. कंपनी आपल्या ग्राहकांसाठी नवनवीन स्मार्टफोन लॉन्च नकरतच असते. यावेळी कंपनीने Realme Narzo N55 हा स्मार्टफोन लॉन्च केला आहे. यामध्ये कोणकोणते फीचर्स असणार आहेत, याचा कॅमेरा कसा असणार आणि या फोनची किंमत किती असणार हे जाणून घेऊयात.
Realme Narzo N55 चे फीचर्स
Realme Narzo N55 मध्ये तुम्हाला ४ जीबी रॅम आणि ६४ जीबी इंटर्नल स्टोरेज आणि ६ जीबी रॅम आणि १२८ जीबी इंटर्नल स्टोरेज असे दोन प्रकार उपलब्ध असणार आहेत. तसेच या फोनमध्ये तुम्हाला ६.७२ इंचाचा फुल HD + LCD स्क्रीनचा डिस्प्ले मिळणार आहे. ज्याला ९०Hz चा रिफ्रेश रेटचा सपोर्ट मिळतो. या फोनचे रिझोल्युशन हे १०८०X२४०० पिक्सल इतके आहे.
कसा असणार कॅमेरा ?
रिअलमीच्या या फोनमध्ये तुम्हाला ६४ मेगापिक्सलचा AI प्रायमरी कॅमेरा मिळणार आहे. तसेच २ मेगापिक्सलचे दोन कॅमेरे मिळतात. तसेच सेल्फी आणि व्हिडीओ कॉलिंगसाठी ८ मेगापिक्सलचा कॅमेरा मिळतो.
रिअलमीच्या नवीन स्मार्टफोनमध्ये तुम्हाला ५००० mAh ची बॅटरी आणि त्याला ३३ W चे फास्ट चार्जिंग सपोर्ट मिळतो. हा फोन अँड्रॉइड १३ वर आधारित UI 4.0 वर चालतो. या फोनमध्ये MediaTek Helio G88 चिपसेट देण्यात आला आहे. मायक्रोएसडी कार्डच्या मदतीने याचे स्टोरेज १ टीबी पर्यंत वाढवता येते. कनेक्टिव्हिटीच्या बाबतीत, हा स्मार्टफोन ड्युअल-बँड वायफाय, 4जी एलटीई, ब्लूटूथ, जीपीएस आणि यूएसबी टाइप-सी पोर्टसह येतो.
Realme Narzo N55 ची किंमत
Realme Narzo N55 या स्मार्टफोनच्या ४ जीबी रॅम आणि ६४ जीबी स्टोरेज असणाऱ्या व्हेरिएंटची किंमत १०,९९९ रुपये इतकी आहे. तर ६ जीबी रॅम आणि १२८ जीबी इंटर्नल स्टोरेज असणाऱ्या व्हेरिएंटची किंमत १२,९९९ रुपये इतकी आहे. या दोन्ही व्हेरिएंटच्या खरेदीवर १,००० रुपयांचा स्पेशल ऑफर देखील मिळत आहे. यासाठी तुम्हाला HDFC किंवा SBI च्या कार्डावरून पेमेंट करावे लागेल. या फोनचा पहिला सेल हा १८ एप्रिल ते २१ एप्रिल दरम्यान सुरु होऊ शकतो. हा फोन तुम्ही Amazon आणि कंपनीच्या अधिकृत वेबसाईट व रिटेल स्टोअर्समधून खरेदी करता येणार आहे.
