फोनमधून डिलीट झालेले फोटो पुन्हा मिळवायचेत? ‘या’ टिप्स फॉलो करा

डिलीट झालेले फोटो पुन्हा कसे मिळवायचे?

अँड्रॉईड स्मार्टफोनमध्ये फोनवरून हटवलेले फोटो रिकव्हर करणे खूप सोपे आहे. गूगलने बनवलेली ही ऑपरेटिंग सिस्टीम चालवणार्‍या मोबाईल फोन्सनी प्री-लोड केलेले ट्रॅश फोल्डर प्रदान करणे सुरू केले आहे. ज्याला Recently Deleted, Recycle Bin, Trash Bin देखील म्हणतात. हे फीचर अँड्रॉइड फोनच्या फोटो गॅलरी ॲपमध्ये समाविष्ट केले आहे, ज्याचे काम मुख्य फोल्डरमधून डिलीट झालेले फोटो सांभाळून ठेवणे आहे. तुमच्याकडूनही एखादा फोटो चुकून डिलीट झाला असेल, तर हा फोटो गॅलरीतून बाहेर येऊन ट्रॅश बिन फोल्डरमध्ये येतो. गॅलरीच्या ट्रॅश फोल्डरमधून फोटो पुनर्प्राप्त करण्यासाठी, खाली नमूद केलेल्या टिप्सचेअनुसरण करा

आणखी वाचा

घरातील फरशी चकाचक करण्यासाठी तुरटी आहे अत्यंत फायदेशीर; जाणून घ्या सोप्या टिप्स

Nana Patole : निकालाआधी राजकीय घडामोडींना वेग; यातच…

Fast Charging Hurt Your Phone Battery: फास्ट चार्जिंगमुळे होऊ शकते तुमच्या फोनचे नुकसान? ‘या’ पाच समस्यांबद्दल आजच जाणून घ्या

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

आम्ही डॉक्युमेण्ट्रीवाले: कोडे सोडवण्याची गंमत…

मुंबईत खरंच माणुसकी आहे! रिक्षाचालकाने हरवलेला फोन परत आणून दिला, नेटकरी म्हणाले, “मुंबईचे लोक खूप प्रामाणिक आहे…”

High Severity Alert For Apple Users : ॲपल युजर्सना मोठा धोका? लीक होऊ शकतात पर्सनल डिटेल्स; तुमचा फोन ‘या’ यादीत आहे का तपासा

( हे ही वाचा: पेटीएम घेतंय मोबाईल रिचार्जवर पैसे ; जाणून घ्या कोणते ॲप देत आहेत मोफत सेवा)

• तुमच्या अँन्ड्रॉईड स्मार्टफोनवर गॅलरी ॲप उघडा.
• फोटो गॅलरी खाली स्क्रोल केल्यावर तुम्हाला हे ट्रॅश फोल्डर दिसेल.
• फोटो गॅलरी व्यतिरिक्त, आपण थेट फोन मेनूमध्ये हटविलेले, बिन किंवा ट्रॅश हे शब्द शोधून ते फोल्डर देखील उघडू शकता.
• तुम्ही ट्रॅश फोल्डर उघडताच, तुम्हाला त्यामधील सर्व फोटो दिसतील जे फोनवरून पूर्वी डिलीट झाले आहेत.
• फोल्डरमधील फोटोंमधून तुम्हाला एखादा फोटो पुन्हा परत मिळवायचा असेल तर फोटो निवडा आणि रिकव्हर बटण दाबा.

येथे हे लक्षात घ्यावे लागेल की सरासरी, मागील ३० दिवसांत हटविलेले सर्व फोटो या ट्रॅश फोल्डरमध्ये जतन केले जातात. अशा परिस्थितीत, जर तुम्हाला परत मिळवायचा असलेला फोटो डिलीट होऊन बराच वेळ झाला असेल, तर कदाचित तो फोटो या फोल्डरमध्ये सापडणार नाही. दुसरीकडे, तुम्हाला एखादा फोटो सापडल्यास, तो पुनर्प्राप्त केल्यानंतर, तो फोटो त्याच फोल्डरमध्ये परत जाईल जिथे तो डिलीट करण्यापूर्वी जतन केला होता. म्हणजेच, कॅमेरा, स्क्रीनशॉट आणि व्हॉट्सॲप, इंस्टाग्राम आणि स्नॅपचॅटच्या फोल्डरमध्ये तो फोटो त्याच्या श्रेणीनुसार रिकव्हर केला जाईल. तिथे जाऊन तुम्ही फोटो पाहू शकता.

गुगल फोटोंमधून पुनर्प्राप्त करा

अँड्रॉइड स्मार्टफोनमध्ये थेट गूगलच्या वर्चूअल्स मेमरीमध्ये फोटो सेव्ह करण्याचा पर्याय देखील आहे. दुसरीकडे, असे स्मार्टफोन जे pure stock Android आवृत्तीवर चालतात, त्यामध्ये डिफॉल्ट गॅलरी ॲपच्या रूपात गुगल फोटोज दिले जातात. नोकिया, मोटोरोला आणि मायक्रोमॅक्स या ब्रँडच्या स्मार्टफोनमध्येही हेच दिसून येते. तुमच्या फोनमध्ये Google Photos असल्यास, खालील चरणांसह तुम्ही हटवलेले फोटो रिकव्हर करू शकता.

( हे ही वाचा: Jio Number पोस्टपेड वरून प्रीपेड मध्ये रूपांतरित करायचाय? जाणून घ्या सर्वात सोपा मार्ग)

• सर्वप्रथम तुमच्या फोनवर Google Photos उघडा.
• Google Photos मध्ये ‘Library’ चा पर्याय दिसेल, त्यावर टॅप करा.
• लायब्ररी उघडल्यानंतर तुम्हाला अनेक प्रकारचे फोल्डर्स सापडतील, त्यापैकी ‘बिन’ फोल्डर शोधा आणि उघडा.
• बिन फोल्डरमध्ये ते सर्व फोटो देखील दाखवले जातील जे तुमच्या गॅलरीतून डिलीट झाले आहेत आहेत. जो फोटो पुनर्प्राप्त करायचा आहे त्याला येथे शोधा.
• फोटो निवडल्यानंतर Restore चा पर्याय दाबा. सर्व फोटो परत केले जातील.