Jio Bharat Phone Launched in India: Reliance Jio ने 4G फोन ‘Jio Bharat V2’ लाँच केला आहे. ‘Jio Bharat V2’ अतिशय वाजवी दरात उपलब्ध करुन देण्यात आला आहे. रिलायन्स जिओने जगातला सर्वात स्वस्त 4जी मोबाईल लाँच केला आहे. कंपनीची भारतातील सुमारे २५० दशलक्ष 2G ग्राहकांवर लक्ष आहे. हे ग्राहक सध्या Airtel आणि Vodafone-Idea सारख्या कंपन्यांशी संबंधित आहेत. रिलायन्स जिओ फक्त 4G आणि 5G नेटवर्क चालवते. रिलायन्स जिओचा दावा आहे की ‘Jio Bharat V2’ च्या आधारे कंपनी १० कोटींहून अधिक ग्राहक जोडेल.

आर्काइव्हमधील सर्व बातम्या मोफत वाचण्यासाठी कृपया रजिस्टर करा
ई-मेल द्या, नी साइन-अप करा
Already have a account? Sign in

Jio Bharat V2 किंमत

‘Jio Bharat V2’ ची किंमत इंटरनेटवर काम करणाऱ्या बाजारात उपलब्ध असलेल्या सर्व फोन्समध्ये सर्वात कमी आहे. या फोनची किंमत ९९९ रुपये ठेवण्यात आली आहे. ‘Jio Bharat V2’ चा मासिक प्लॅन देखील सर्वात स्वस्त आहे. २८ दिवसांच्या वैधतेच्या प्लॅनसाठी ग्राहकांना १२३ रुपये द्यावे लागतील.

तर इतर ऑपरेटरच्या व्हॉईस कॉल आणि २ जीबीचा मासिक प्लॅन केवळ १७९ रुपयांपासून सुरू होतो. याशिवाय, कंपनी ‘Jio Bharat V2’ च्या ग्राहकांना १४ GB 4G डेटा देईल, म्हणजेच प्रतिदिन अर्धा GB, जो स्पर्धकांच्या 2 GB डेटापेक्षा 7 पट जास्त आहे. ‘Jio Bharat V2’ वर एक वार्षिक योजना देखील आहे ज्यासाठी ग्राहकाला १२३४ रुपये द्यावे लागतील.

2G ग्राहकांना आकर्षित करण्यासाठी कंपनीने २०१८ मध्ये Jio फोन देखील आणला होता. JioPhone आजही १३ कोटींहून अधिक ग्राहकांची पसंती आहे. कंपनीला ‘Jio Bharat V2’ कडूनही त्याच अपेक्षा आहेत. कंपनीने ७ जुलैपासून ‘Jio Bharat V2’ ची बीटा ट्रायल सुरू करण्याची घोषणा केली आहे. कंपनीने ‘Jio Bharat V2’ ६,५०० तहसीलमध्ये नेण्याची योजना आखली आहे.

Jio Bharat V2 4G वर करते काम

देशात बनवलेला आणि फक्त ७१ ग्रॅम वजनाचा, ‘Jio Bharat V2’ 4G वर काम करतो, यात HD व्हॉईस कॉलिंग, FM रेडिओ, १२८ GB SD मेमरी कार्ड सपोर्ट सारखी वैशिष्ट्ये आहेत. मोबाईलमध्ये १.७७ इंच TFT स्क्रीन, ०.३ मेगापिक्सेल कॅमेरा, १००० mAh बॅटरी, ३.५ mm हेडफोन जॅक, शक्तिशाली लाऊडस्पीकर आणि टॉर्च आहे.

Jio Bharat V2 मोबाईल ग्राहकांना Jio-Saavn मधील ८० दशलक्ष गाण्यांसोबत Jio सिनेमाच्या सबस्क्रिप्शनसह देखील प्रवेश मिळेल. ग्राहक Jio-Pay द्वारे UPI वर व्यवहार देखील करू शकतील. भारतातील कोणतीही प्रमुख भाषा बोलणारे ग्राहक तुमच्या भाषेत Jio Bharat V2 मध्ये काम करू शकतील. हा मोबाईल २२ भारतीय भाषांमध्ये काम करू शकतो.

First published on: 03-07-2023 at 19:19 IST
TOPICSटेक न्यूजTech Newsटेक्नोलॉजी न्यूजTechnology Newsरिलायन्स जिओReliance Jio
मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Reliance jio has launched jio bharat phone in india the phone is priced at rs 999 pdb