Snapchat new features: सोशल मीडिया वापरायची सध्या खूप क्रेझ आहे. लहानांपासून ते मोठ्यापर्यंत सर्वजण वेगवेगळ्या सोशल मीडिया अ‍ॅप्लिकेशन्सचा वापर करत असतात. स्नॅपचॅट हे एक लोकप्रिय अ‍ॅप्सपैकी एक आहे. स्नॅपचॅटने फिल्टर्स हे प्रसिद्ध फिचर सुरु केले होते. या अनोख्या फिचरमुळे स्नॅपचॅटला खूप प्रसिद्धी मिळाली होती. त्यानंतर इन्स्टाग्राम, फेसबुकसह अनेक कंपन्यांनी त्यांचे अनुकरण केले होते. नुकतीच या सोशल मीडिया कंपनीद्वारे दोन नव्या फिचर्सची घोषणा करण्यात आली.
यातील पहिल्या फिचरचे नाव साउंड रिकमेंडेशन फॉर लेन्सेस असे आहे. या फिचरचा वापर करुन यूजर्स वापरलेल्या लेन्सला पूरक असा आवाज शोधू शकणार आहेत. फोटो किंवा व्हिडीओ तयार करताना लेन्स लावताना साउंडचे चिन्ह स्क्रीनवर दिसेल. त्यावर क्लिक केल्यावर मीडियामध्ये गाण्यांची, आवाजांची लिस्ट पाहायला मिळेल. फोटो/व्हिडीओनुसार त्या लिस्टमधील ऑडिओ निवडून वापरु शकता.
‘साउंड्स सिंक फॉर कॅमेरा रोल हे दुसरे स्नॅपचॅट फिचर आहे. यामध्ये फोटो, व्हिडीओ यांचा मॉन्टेज बनवताना अपलोड केलेल्या गोष्टी ऑडिओवर आपोआप सिंक होणार आहेत. या फिचरमध्ये चार ते वीस फोटो आणि काही व्हिडीओ वापरता येणार आहे. ट्रेंड सुरु असताना व्हिडीओ बनवताना या फिचरची खूप मदत होईल.
स्नॅपचॅटच्या या दोन नव्या फिचर्सचा वापर सध्या फक्त अमेरिकन नागरिकांना करता येणार आहे. लवकरच जगभरातील यूजर्ससाठी हे फिचर्स अँड्रॉइड आणि आयओएसमध्ये लॉन्च केले जाणार आहेत.
