LG लॅपटॉपच्या नव्या सीरिजमध्ये असणार Face Login; जाणून घ्या आकर्षक फीचर्स

एलजी इलेक्ट्रॉनिक्स इंडियाचे होम एंटरटेनमेंट संचालक हक ह्यून किम यांनी एका निवेदनात म्हटले आहे की, एलजी ग्रामची रचना ग्राहकांच्या उपयुक्ततेसाठी करण्यात आली आहे. नवीन मॉडेलचे उद्दिष्ट फेस डिटेक्शन आणि नॉइज कॅन्सलेशन यासारख्या अनेक फीचर्सच्या मदतीने वापरकर्त्याचा अनुभव बदलणे आहे.

ते असेही म्हणाले, आम्ही आमच्या ग्राहकांना त्यांची जीवनशैली सुधारण्यासाठी अत्याधुनिक तंत्रज्ञान प्रदान करतो. आम्हाला खात्री आहे की ही नवीन २०२२ एलजी ग्राम लाइनअप वापरकर्त्याच्या अनुभवात नवीन बेंचमार्क सेट करेल आणि आमच्या ग्राहकांना ते आवडेल.

नवीन लॅपटॉपमध्ये १२ जनरेशन इंटेल कोर आय ७ प्रोसेसर आहे. एलजी ग्राम मॉडेल १७झेड९०क्यू आणि १६झेड९०क्यू मध्ये ८०वॅट बॅटरी आहे. कंपनीने म्हटले आहे की, नवीन लॅपटॉपचे डिस्प्ले एंटरटेनमेंट आणि वर्क या दोन्हीसाठी परफेक्ट आहे, जे लाइव्ह आणि सटीक कलरसह उत्कृष्ट पिक्चर कॉलिटी देतात.

फ्लॅगशिप एलजी ग्राम १७ मध्ये १७-इंचाची मोठी स्क्रीन आहे, तर त्याचे वजन फक्त १,३५० ग्रॅम आहे. एलजी ग्राम १६ चे वजन १,१९९ ग्रॅम आणि एलजी ग्राम १४ चे वजन ९९९ ग्रॅम आहे. एलजी ग्राम लॅपटॉपची नवीन रेन्ज ऑनलाइन आणि ऑफलाइन दोन्ही उपलब्ध असेल.