अशाप्रकारे बनवा Instagram Reels; आपोआप होईल व्ह्यूज आणि फॉलोअर्सची झपाट्याने वाढ

ट्रेंडिंग विषयावर रील्स बनवा

जर तुम्हाला इंस्टाग्रामवर अधिक फॉलोअर्स आणि व्ह्यूज हवे असतील तर तुम्हाला ट्रेंडिंग विषयांवर रील बनवाव्या लागतील. रील्स मजेदार असल्यास ते अधिक चांगले होईल, कारण बहुतेक लोक रील्सना ज्ञानासाठी नव्हे तर मनोरंजनासाठी भेट देतात. तथापि, जर तुमच्याकडे संवेदनशील समस्या विनोदी स्वरात चित्रित करण्याची कला असेल, तर तुमचे रील्स अधिक आवडतील.

(हे ही वाचा: iPhone13 वर ऑफर्सचा पाऊस! मिळतेय ३० हजार रुपयांची घवघवीत सूट)

सातत्य आवश्यक आहे

तुम्हाला रीलच्या माध्यमातून लोकप्रिय व्हायचे असल्यास, तुम्हाला ठराविक अंतराने रील्स पोस्ट करावे लागतील. तुम्ही नियमित अंतराने रील्स कास्ट केल्यास, अधिकाधिक लोक तुमच्यात सामील होतील. यासाठी रील्स पोस्ट करताना सातत्य ठेवा. म्हणजे त्यामुळे तुमची लोकप्रियता देखील वाढेल.

सामग्रीची गुणवत्ता महत्त्वाची आहे

रील्सच्या यशासाठी सामग्री महत्वाची भूमिका बजावते. रील्सवर काहीही सामग्री घेतल्यास ते लोकप्रिय होईल, असे अनेकांना वाटते. मात्र, तसं नाहीये. तुम्हाला रिल्सची सामग्री सुधारावी लागेल. ट्रेंडिंग विषय अधिक मनोरंजक बनवावा लागेल.

( हे ही वाचा: Best Wi-Fi routers under Rs 2000: ‘हे’ राउटर चांगल्या वाय-फाय कनेक्शनसाठी सर्वोत्कृष्ट आहेत; किंमतही आहे स्वस्त)

सादरीकरण अधिक चांगले करणे आवश्यक आहे

इंस्टाग्राम रील्स अधिक मनोरंजक बनविण्यासाठी, तुम्हाला त्याच्या सादरीकरणाकडे देखील लक्ष द्यावे लागेल. त्यासाठी तुम्हाला रीलांच्या मांडणीकडे लक्ष द्यावे लागेल. इंस्टाग्राम रीलसाठी तीन प्रकारचे लेआउट आहेत. तसंच रील्स बनवताना मजकुरासह रील्स सादर करा.

पार्श्वभूमीत संगीत ठेवा

जर तुम्ही रिल्सवर व्हॉईस ओव्हर करत नसाल तर रिल्सच्या पार्श्वभूमीत संगीत लावणे चांगले. यामुळे तुमच्या रीलची पोहोच अधिक लोकांपर्यंत वाढते. तसेच, रील अपलोड करताना हॅशटॅग वापरण्याची खात्री करा. असे केल्याने, Insta चे अल्गोरिदम अधिक लोकांना तुमच्या रील्सची शिफारस करेल.