Elon Musk हे टेस्ला आणि ट्विटरचे सीईओ आहेत. मस्क आपल्या अनेक निर्णयांमुळे कायम चर्चेत असतात. दोन दिवसांपुर्वी त्यांनी आपल्या कुत्र्याला ट्विटरचा नवीन सीईओ म्हणून घोषणा केली होती. एलॉन मस्क यांना एकूण ९ मुले आहेत. एलॉन मस्क यांनी एका कार्य्रक्रमात आपल्या मुलांच्या सोशल मीडियाच्या वापराबद्दल एक भाष्य केले आहे. एलॉन मस्क हे दुबईतील र्ल्ड गव्हर्नमेंट समिट (WGS) मध्ये बोलत होते. यामध्ये त्यांनी हे वक्तव्य केले आहे की, मी माझ्या मुलांसाठी सोशल मीडियाचा वापर मर्यादित ठेवण्याचा प्रयत्न केला नाही कदाचित ही माझी चूक असेल. तसेच त्यांना वाटले की त्यांच्या मुलांना Reddit आणि YouTube द्वारे 'प्रोग्रॅम' करण्यात आले आहे. त्यामुळे ते काय पाहत आहेत यावर लक्ष ठेवणे मला आवडेल. हेही वाचा : Google Layoffs: गुगलने ४५३ भारतीयांना कामावरून काढलं, सुंदर पिचाई म्हणाले… एलॉन मस्क यांनी AI बद्दल देखील भाष्य केले. ते म्हणाले की, AI ही अशी एक गोष्ट आहे की ज्याबद्दल आपण काळजी घेणे आवश्यक आहे. जर यात काही गडबड होत असले तर AI संदर्भात काही नियम असले पाहिजेत. Chatgpt ने जगाला AI किती प्रगत झाले आहे हे दाखवले. ते म्हणाले, आम्हाला AI च्या सुरक्षेकडे लक्ष द्यावे लागेल. चॅटजीपीटी दर्शवते की AI किती प्रगत झाले आहे. हे काही काळासाठी प्रगत करण्यात आले आहे.
