Twitter युजर्ससाठी मोठी बातमी! लवकरच ‘ही’ अकाउंट्स होणार बंद, लॉग इन करा अन्यथा…

ट्वीटरचे सीईओ एलॉन मस्क यांनी सोमवारी ट्वीट करून याबद्दल माहिती दिली. वर्षानुवर्षे निष्क्रिय असलेली अकाउंट्स बंद केली जाणार आहेत. दरम्यान ट्वीटरवर अशी हजारो अकाउंट्स आहेत , ज्यावर कोणतीही पोस्ट शेअर केली जात नाही.

हेही वाचा : काय सांगता! मतदानासाठी आता रांगेत थांबण्याची गरज नाही, फक्त सेल्फी घ्या अन्…

जे कोणी आपले अकाऊंट नियमितपणे वापरत नाहीत त्यांच्या फॉलोअर्सची संख्या लवकरच कमी होऊ शकते. मायक्रोब्लॉगिंग साईट असलेले ट्वीटर लवकरच कोणत्याही प्रकारची गतिविधी नसलेले अकाउंट्स हटवण्यास सुरुवात करेल.

जर का ट्विटर अकाऊंट कायमचे बंद होण्यापासून रोखण्यासाठी महिन्यातून किमान एकदा वापरकर्त्यांना त्यांच्या आकाऊंटमध्ये लॉग इन करणे आवश्यक आहे असे ट्विटरचे धोरण आहे. या महिन्याच्या सुरुवातीला एलॉन मस्क यांनी नॅशनल पब्लिक रेडिओची ५२ ट्विटर अकाउंट्स अन्य कोणत्यातरी कंपनीला देण्याची धमकी दिली होती. या मागचे कारण म्हणजे त्या अकाउंट्सनी ट्वीटर फिडवर कंटेंट पोस्ट करणे बंद केले होते.

हेही वाचा : Food Delivery Apps: Swiggy आणि Zomato पेक्षा ‘या’ प्लॅटफॉर्मवर खाद्यपदार्थ मिळतायत स्वस्त; जाणून घ्या कसे करायचे ऑर्डर

ट्वीटरने गेल्याच महिन्यात सेलिब्रेटी, पत्रकार आणि प्रमुख राजकारण्यांसाह हजारो लोकांच्या अकाऊंटवरुन मोफत असणारी Blue Tick काढून टाकली होती. कारण ट्वीटरने blue tick साठी पेड सब्स्क्रिप्शन सुरू केले होते. मात्र अनेकांनी त्यासाठी पैसे भरले नाहीत म्हणून कंपनीने ब्लू टिक हटवण्याचा निर्णय घेतला होता.