काही वर्षांपासून ऑनलाईन आर्थिक फसवणुकीच्या घटनांत मोठ्या प्रमाणात वाढ झाली आहे. बँकेचे सर्व व्यवहार ऑनलाईन झाले असल्यामुळे सामान्य आर्थिक फसवणुकीचे अनेक प्रकार रोजच समोर येत आहेत. त्यामध्ये अनेक लोकांचे हजारो, लाखो रुपये पळवले जात आहेत. भारतात आधार कार्ड ही आपली ओळख आहे. आधार कार्ड कोणत्याही ठिकाणी आयडी प्रूफ म्हणून वापरता येते. युनिक आयडेंटिफिकेशन ऑथॉरिटी ऑफ इंडिया (UIDAI) ने आधार कार्ड वापरकर्त्यांसाठी एक सावधगिरीचा इशारा दिला आहे. याबद्दल अधिक माहिती जाणून घेऊयात.
युनिक आयडेंटिफिकेशन ऑथॉरिटी ऑफ इंडिया (UIDAI) ने आधार कार्ड अपडेट करण्याच्या उद्देशाने ईमेल किंवा व्हॉट्सअ‍ॅपवर ओळख किंवा ऍड्रेस प्रूफ शेअर करण्याबाबत सावधगिरीचा इशारा दिला आहे. प्राधिकरणाच्या मते, अशा प्रकारे कोणीही त्यांची कागदपत्रे उघड करण्याची आवश्यकता नाही. अशा तुम्हाला येणाऱ्या विनंत्या फसवणूक करणाऱ्या असू शकतात. याबाबतचे वृत्त dnaindia ने दिले आहे.
”UIDAI तुम्हाला कधीही ईमेल किंवा व्हॉट्सअ‍ॅपवर तुमचे #आधारला अपडेट करण्यासाठी आपल्या POI/POA कागदपत्रे शेअर करण्यासाठी सांगत नाही. तुमचे आधार एकतर #myAadhaarPortal द्वारे ऑनलाइन अपडेट करावे किंवा तुमच्या जवळच्या आधार केंद्राला भेट द्यावी.” आधार कार्ड जारी करणाऱ्या प्राधिकरणाने X (पूर्वीचे ट्विटर) वर अशी पोस्ट केली.
विशेषतः जर का आधार दहा वर्षांपेक्षा देखील आधी जारी करण्यात आले असेल आणि ते कधीही अपडेट केलेले नसेल तर UIDAI रहिवाशांना त्यांची माहिती पुन्हा प्रमाणात करण्यासाठी आयडेंटी प्रूफ आणि ऍड्रेस प्रूफ (PoI/PoA) ही कागदपत्रे अपलोड करण्यास प्रोत्साहित करत आहे.
