आजच्या काळात आधार कार्ड हा एक अत्यंत महत्त्वाचा दस्तावेज बनला आहे. आधारशिवाय मोबाईल सिम मिळत नाही, बँक खाते उघडले जात नाही आणि मुलांना शाळेत प्रवेश मिळत नाही. तसेच आधार कार्डमध्ये चुकीच्या माहितीमुळे किंवा प्रिंट चुकल्यामुळे तुमच्या नावात, पत्त्यात किंवा जन्मतारखेत काही चूक झाली असेल, तर तुम्हाला काही समस्यांना सामोरे जावे लागू शकते.
या किरकोळ चुका दुरुस्त करायच्या असतील, तर आधार कार्डमध्ये नाव, पत्ता, जन्मतारीख आणि लिंग किती वेळा बदलता येईल हे जाणून घेणे अत्यंत आवश्यक आहे. कारण भारतीय विशिष्ट ओळख प्राधिकरणाने (UIDAI) मर्यादा निश्चित केली आहे.
नावात सुधारणा
आधार कार्डमध्ये तुमच्या नावात काही चूक असल्यास तुम्ही ते जास्तीत जास्त दोनदा बदलू शकता. UIDAI च्या नियमांनुसार, तुम्ही तुमचे नाव ऑनलाइन किंवा ऑफलाइन दुरुस्त करू शकता.
आधार कार्डवर लिंग बदल करणे
मिस प्रिंटमुळे जर तुमच्या आधार कार्डमध्ये लिंग चुकीच्या पद्धतीने छापले गेले तर तुम्हाला अनेक समस्यांना सामोरे जावे लागू शकते. यासंदर्भातील अधिसूचना UIDAI ने २०१९ मध्ये जारी केली होती. असे सांगण्यात आले की जर लिंगामध्ये काही चूक असेल तर तुम्ही ती एकदा बदलू शकता, त्यासाठी तुम्हाला आधार नोंदणी/अपडेशन केंद्राला भेट द्यावी लागेल.
पत्त्यातील दुरुस्ती
साधारणपणे असे दिसून येते की अनेक लोकं त्यांच्या आधार कार्डमधील पत्ता चुकीचा असल्याची तक्रार करतात. आधारमध्ये घर क्रमांक, पथ क्रमांक यासारख्या चुका अनेकदा चुकीच्या असतात. अशा परिस्थितीत, तुम्ही तुमच्या आधार कार्डमध्ये फक्त एकदाच पत्ता अपडेट करू शकता.
जन्मतारखेत सुधारणा
जर तुम्हाला तुमच्या जन्मतारखेत काही बदल करायचा असेल तर UIDAI च्या नियमांनुसार तीन वर्षांच्या अंतराने बदलता येईल. म्हणजेच आधार कार्डमध्ये तुमची जन्मतारीख तीन वर्षे मागे किंवा तीन वर्षे पुढे असेल तर ती बदलता येणार नाही.
