सध्या डिजिटल पेमेंट करण्याचे प्रमाण देशभरामध्ये मोठ्या प्रमाणात वाढलेआहे. आपण ऑनलाईन व्यवहारांसाठी UPI वापरत असाल तर ही तुमच्यासाठी खूप महत्वाची बातमी समोर आली आहे. १ एप्रिलपासून UPI ​​व्यवहार महाग होणार आहेत. तुम्ही २,००० रुपयांपेक्षा जास्त पैसे भरल्यास तुम्हाला अतिरिक्त शुल्क द्यावे लागणार आहे. याबाबत नॅशनल पेमेंट कॉर्पोरेशन ऑफ इंडिया (NPCI) ने एक परिपत्रक जारी केले आहे. काही वेळातच या परिपत्रकाबाबत NPCI ने स्पष्टीकरण दिले आहे.

NPCI ने UPI पेमेंटवर चार्जेस आकारल्याचे वृत्त नाकारले आहे. NPCI ने म्हटले आहे की,UPI द्वारे एका बँक खात्यातून दुसऱ्या बँक खात्यात व्यवहार करण्यासाठी ग्राहकांना कोणतेही शुल्क भरावे लागणार नाही. NPCI ने आपल्या निवेदनात म्हटले आहे की, देशातील सर्वाधिक ९९.९ टक्के UPI व्यवहार फक्त बँक खात्यांद्वारे केले जातात.

आणखी वाचा
Another delay in the work of Metro 2 B by the contractor
मुंबई : ‘मेट्रो२ ब’च्या कामात कंत्राटदाराकडून पुन्हा दिरंगाई
IND vs NZ AB de Villiers on Rishabh Pant Controversial Dismissal
IND vs NZ : ऋषभ पंतच्या वादग्रस्त विकेटवर…
political game of ward system in municipal election
प्रभाग पद्धतीचा राजकीय खेळ
Maharashtra Pollution Control Board and MIDC face to face
महाराष्ट्र प्रदूषण नियंत्रण मंडळ अन् एमआयडीसी आमनेसामने! सलग दुसऱ्या महिन्यात नोटीस बजावून कारवाईचा इशारा
GST tax evasion of Rs five to eight thousand crore through fake documents Main facilitator arrested from Gujarat
बनावट कागदपत्रांद्वारे पाच ते आठ हजार कोटी रुपयांची जीएसटी कर चुकवेगिरी; गुजरातमधून मुख्य सूत्रधार अटकेत
Shrivardhan Assembly constituency, NCP candidate, Aditi Tatkare
आदिती तटकरेंची मालमत्ता तीन कोटींनी वाढली, श्रीवर्धन मधून उमेदवारी अर्ज दाखल
upi or upi wallet which payment mode is more safe and secure in 2024 know all about it
UPI आणि UPI Wallet मधला फरक तुम्हाला माहितीये का? कोणती पद्धत आहे अधिक सुरक्षित? जाणून घ्या
new method for elephants counting
विश्लेषण: हत्ती गणनेच्या नव्या पद्धतीतून अचूक संख्या समोर येईल?

हेही वाचा : १ एप्रिलपासून ‘UPI पेमेंट’ महागणार! २ हजार रुपयांच्या वरच्या व्यवहारावर लागणार ‘इतका’ चार्ज

NPCI ने सांगितले की बँक किंवा ग्राहकांना UPI पेमेंटसाठी कोणतेही चार्जेस द्यावे लागणार नाहीत. तसेच, UPI व्यवहार एका बँकेतून दुसऱ्या बँकेत केला गेला तरी वापरकर्त्यांना कोणतेही चार्जेस भरावे लागणार नाहीत. तसेच नियामक मार्गदर्शक तत्त्वांनुसार, प्रीपेड पेमेंट इन्स्ट्रुमेंट्स (PPI Wallets) आता इंटरऑपरेबल UPI इकोसिस्टमचा भाग आहेत. हे लक्षात घेऊन, NPCI ने PPI वॉलेट्सना इंटरऑपरेबल UPI इकोसिस्टमचा एक भाग होण्यासाठी परवानगी दिली आहे. इंटरचेंज चार्ज फक्त PPI मर्चंट ट्रान्झॅक्शन्स (प्रीपेड पेमेंट इन्स्ट्रुमेंट्स मर्चंट ट्रान्झॅक्शन्स) वर लागू होणार आहे.यासाठी ग्राहकांना कोणतेही शुल्क भरावे लागणार नाही.

NPCI च्या परिपत्रकानुसार, Google Pay, Paytm, PhonePe किंवा इतर अ‍ॅप्सद्वारे केलेल्या पेमेंटवर १.१ टक्क्यांपर्यंत इंटरचेंज चार्ज भरावा लागणार होता. मात्र त्याबाबत NPCI स्पष्टीकरण दिले आहे. तसेच पेटीएमनेही याबाबत स्पष्टीकरण दिले आहे.

काय होते परिपत्रक ?

नॅशनल पेमेंट्स कॉर्पोरेशन ऑफ इंडिया (NPCI) ने अलीकडेच एक परिपत्रक जारी केले होते, ज्यात युनिफाइड पेमेंट्स इंटरफेस (UPI) ला व्यापारी व्यवहारांवर प्रीपेड पेमेंट इन्स्ट्रुमेंट्स (PPI) शुल्क लागू करण्यास सांगितले होते. परिपत्रकानुसार २,००० रुपयांपेक्षा जास्त UPI व्यवहारांवर १.१ टक्के शुल्क भरावे लागणार होते. हे शुल्क वापरकर्त्याला व्यापारी व्यवहारांसाठी भरावे लागेल असे परिपत्रकामध्ये सांगण्यात आले होते.