जर का कोणाला Apple कंपनीचे प्रॉडक्ट खरेदी करायचे असतील तर एक आनंदाची बातमी आहे. कारण विजय सेल्स अ‍ॅपल प्रॉडक्ट्सवर विशेष डील्स आणि ऑफरसह एका आणखी Apple Days सेल घेऊन आले आहे. याची विक्री ४ ऑगस्टपासून सुरू झाली आहे. यामध्ये खरेदीदारांना iPhone 14, iPhone 14 Plus, MacBook सिरीज आणि iPads यांसारख्या प्रॉडक्ट्सवर डील्स आणि डिस्काऊंटचा लाभ ऑनलाइन स्टोअर्ससह विजय सेल्स रिटेल स्टोअर्समध्ये देखील मिळणार आहे.
iPhone 14
iPhone 14 ज्याची किंमत ७९,००० रुपये आहे. १२८ जीबी स्टोरेज व्हेरिएंटचे मॉडेल ६९,९०० रुपयांमध्ये विक्रीसाठी उपलब्ध आहे. इतकेच नाही तर तुम्ही HDFC बँकेच्या कार्डासह ४ हजार रुपयांचा फ्लॅट कॅशबॅक मिळवू शकता. तसेच जर का तुम्ही तुमचा जुना फोन एक्सचेंज केला तर तुम्ही ३७ हजार रुपयांची बचत करू शकता. ज्यामुळे त्याची अंतिम किंमत ही ४२,९०० रुपये इतकी राहील. याबाबतचे वृत्त Business Today ने दिले आहे.
iPhone 14 Plus
तसेच तुम्हाला iPhone 14 Plus वर देखील मोठी डील मिळवू शकता. ज्याची किंमत ७५,९४९ रुपयांपासून सुरू होते. तसेच HDFC बँकेच्या कार्डवर ४ हजार रूपयांचा अतिरिक्त कॅशबॅक ऑफरसह तुम्हाला आणखी बचतीचा आनंद मिळेल.
MacBooks
M1 चिप असलेले MacBook Air आता फक्त ७५,९०० रुपयांना उपलब्ध आहे. तर M2 चिप असलेले MacBook Air ची किंमत १,०१,९९० रूपयांपासून सुरू होते. १,११,९९० रूपयांपासून सुरू होणाऱ्या M2 चिपद्वारे समर्थित MacBook Pro सह तुमची उत्पादकता वाढवा. तिम परफॉर्मन्स शोधणाऱ्यांसाठी M2 प्रो चिप सह MacBook Pro ची किंमत१,७८,९९० रुपये आहे. या सर्व किंमती HDFC बँकेच्या कार्डांवर ५,००० रुपयांच्या कॅशबॅकसह येतात.
iPads
iPad 9th Gen ची किंमत फक्त २५,९९० रूपयांपासून सुरू होते. तर iPad 10th ची किंमत ३८,९९० रुपयांपासून सुरू होते. तसेच iPad Air 5th Gen देखील तुम्ही खरेदी करू शकता ज्याची किंमत ५१,९०० रूपये आहे. आयपॅड प्रो वर देखील डिस्काउंट मिळत आहे. ज्याची किंमत ७५,६७० रुपये आहे. तसेच तुम्ही यामध्ये HDFC बँकेच्या कार्डवर ३ हजारांचा कॅशबॅकचा आनंद घेऊ शकता.
विजय सेल्सच्या १२५ पेक्षा अधिक रिटेल आऊटलेटला किंवा त्यांच्या वेबसाइटला भेट देऊन तुम्ही तुमची आवडती apple प्रॉडक्ट्स खरेदी करू शकता.
