भारत देशामध्ये रिलायन्स जिओ, वोडाफोन आयडिया आणि एअरटेल या प्रमुख टेलिकॉम कंपन्या आहेत. देशातील अनेक शहरांमध्ये जिओ आणि एअरटेल या दोन कंपन्यांनी ५जी नेटवर्क सुरु केले आहे. मात्र अजूनही वोडाफोन आयडिया कंपनीला आपले ५जी नेटवर्क सुरु करता आलेले नाही आहे. VI ने अजून ५ जी सेवा सुरु केली नसून यासाठी मोठ्या प्रमाणात कमी होणारी ग्राहकांची संख्या कारणीभूत आहे. यासाठी कंपनीने ग्राहकांना टिकवून ठेवणे व ग्राहकांची संख्या वाढवण्यासाठी आपले काही रिचार्ज प्लॅन अपडेट केले आहेत. या माध्यमातून एअरटेल आणि जिओला टक्कर देण्याचा पूर्ण प्रयत्न वोडाफोन-आयडिया करत आहे. तसेच कंपनीने ३६८ आणि ३६९ रुपयांचे दोन नवीन प्लॅन्स देखील लॉन्च केले आहेत.
वोडाफोन – आयडियाने ३६८ आणि ३६९ रुपयांचे दोन नवीन प्रीपेड प्लॅन लॉन्च केले आहेत. या दोन्ही प्लॅनच्या किंमतीमध्ये केवळ १ रुपयाचा फरक आहे. मात्र या दोन्ही प्लॅनमध्ये मिळणारे फायदे हे वेगवेगळे असणार आहेत. या दोन्ही प्लॅनमध्ये मिळणारे फायदे जाणून घेऊयात.
VI चा ३६८ रुपयांचा प्रीपेड प्लॅन
व्हीआयच्या ३६८ रुपयांच्या या प्रीपेड प्लॅनमध्ये तुम्हाला ३० दिवसांची वैधता मिळणार आहे. यामध्ये दररोज २ जीबी डेटा, अनलिमिटेड व्हॉइस कॉलिंग, १०० एसएमएस,दररोज असे फायदे मिळतात. याशिवाय सर्व वापरकर्त्यांना हिरो अनलिमिटेड बेनिफिट्सचा acess देखील मिळतो. विकेंड डेटा रोलओव्हर, डेटा डीलाईट्स,आणि बिंज ऑल नाईटचे फायदे मिळतात.
VI चा ३६९ रुपयांचा प्रीपेड प्लॅन
व्हीआयने ३६८ रुप्यांसह ३६९ रुपयांचा प्रीपेड प्लॅनदेखील लॉन्च केला आहे. या ३६९ रुपयांच्या प्लॅनमध्ये तुम्हाला तुम्हाला ३० दिवसांची वैधता मिळणार आहे. यामध्ये दररोज २ जीबी डेटा, अनलिमिटेड व्हॉइस कॉलिंग, १०० एसएमएस,दररोज असे फायदे मिळतात.याशिवाय सर्व वापरकर्त्यांना हिरो अनलिमिटेड बेनिफिट्सचा acess देखील मिळतो. विकेंड डेटा रोलओव्हर, डेटा डीलाईट्स,आणि बिंज ऑल नाईटचे फायदे मिळतात. यामध्ये SonyLiv Premium OTT चा acess देखील मिळतो. या प्लॅनमध्ये हा एक अतिरिक्त फायदा मिळतो.
