व्हॉट्सअ‍ॅप हे एक सोशल मीडिया प्लॅटफॉर्म आहे. हे सर्वात जास्त वापरल्या जाणाऱ्या मेसेजिंग अ‍ॅप्लिकेशन्सपैकी एक आहे. कंपनी अ‍ॅनिमेटेड आयकॉन्स असलेल्या अवतार पॅकच्या सुधारित व्हर्जनवर काम करत आहे. मेटा AI चा फायदा घेत व्हॉट्सअ‍ॅपची अवतार निर्मिती पेज एका फोटोमधून वैयक्तिकृत अ‍ॅनिमेटेड अवतार तयार करू शकते. हे एक सोशल मीडिया प्लॅटफॉर्म आहे. यावरून एकमेकांशी संवाद साधता येतो.
गुगल प्ले स्टोअरवरून अँड्रॉइड वापरकर्त्यांसाठी नवीनतम बीटा व्हर्जन 2.23.16.12 अपडेटसह व्हॉट्सअ‍ॅप वर्तमान अवतार पॅकचे एक ऍनीमिटेड व्हर्जन सादर करत आहे. “या अलीकडील अपडेटमुळे काही बीटा परीक्षक शेवटी अ‍ॅनिमेटेड आयकॉनवर प्रयोग करू शकतात,” असे WABetaInfo या व्हॉट्सअ‍ॅप अपडेट्सचे परीक्षण करण्याऱ्या वेबसाइटने सांगितले. याबाबतचे वृत्त business standard ने दिले आहे.
हेही वाचा : WhatsApp चे नवीन फिचर: ग्रुपवर चुकीचा मेसेज आल्यास वापरकर्त्यांना करता येणार ‘हे’ काम
अनिमिटेड अवतार त्यांच्या स्वरूपावर आधारित अनेक विभागांमध्ये वर्गीकृत केले जातात. ज्यामध्ये आनंद, मनोरंजन, रागावलेला, तेजस्वी इत्यादी अ‍ॅनिमेटेड अवतारांचा समावेश आहे. हे अ‍ॅनिमेटेड अवतार, Snapchat च्या Bitmoji प्रमाणेच, त्यांच्या अतिरिक्त अ‍ॅनिमेशनमुळे तुमच्या WhatsApp चॅटमध्ये व्यक्त होऊ शकणार्‍या भावनांचा अतिरिक्त स्तर जोडतात.
व्हॉट्सअ‍ॅपमध्ये अवतार क्रिएशन पेज, मेटा मधील AI चा वापर करून एका फोटोमधून वैयक्तिक अ‍ॅनिमेटेड अवतार तयार करते. जेव्हा एखादा मेसेज पाठवणारा वापरकर्ता अ‍ॅनिमेटेड अवतार निवडतो, तेव्हा तो स्टिकर म्हणून सेंड होतो. प्राप्तकर्ता हा अ‍ॅनीमिटेड आयकॉन आपल्या आवडीच्या सेक्शनमध्ये स्टिकरच्या रूपात जोडू शकतो.
या अ‍ॅनिमेटेड अवतार फीचरचा वापर करण्यासाठी वापरकर्त्यांना आपल्या व्हॉट्सअ‍ॅप अकाउंटवर एक अवतार सेट करावा लागेल. जे सेटिंग्ज-अवतार – आपला अवतार तयार करावर नेव्हीगेट करून केले जाऊ शकते. अवतार तयार झाल्यानंतर व्हॉट्सअ‍ॅपच्या नवीनतम बीटा व्हर्जनवरील वापरकर्त्यांना ईमोजी,स्टिकर आणि GIF शेजारी एक अतिरिक्त टॅब दिसेल. येथून वापरकर्ते इतरांना अ‍ॅनीमिटेड अवतार पाठवू शकतात.
