WhatsApp हे एक सोशल मीडिया प्लॅटफॉर्म आहे. यावरून आपण एकमेकांशी संवाद साधू शकतो. आता व्हॉट्सअ‍ॅप अपडेटबद्दल मेटाचे सीईओ मार्क झुकरबर्ग यांनी एक मोठी घोषणा केली आहे. त्यांनी याबद्दल फेसबुक पोस्टवरून माहिती दिली आहे. WhatsApp आपल्या वापरकर्त्यांना हे प्लॅटफॉर्म सहज वापरता यावे म्हणून नवनवीन अपडेट सादर करत असते. आताही व्हाट्सअ‍ॅप एक नवीन अपडेट घेऊन आले आहे. ज्यामुळे वापरकर्त्यांना व्हाट्सअ‍ॅप वापरणे आणखीन सोपे होणार आहे. हे अपडेट कोणते आहे आणि हे कसे वापरावे हे जाणून घेऊयात.
whatsapp ची मूळ कंपनी असणाऱ्या मेटाचे सीईओ मार्क झुकरबर्ग यांनी या नवीन फीचरबद्दल फेसबुक पोस्टवरून माहिती दिली आहे. वापरकर्त्यांना या फीचरच्या मदतीने आपले whatsapp अकाउंट हे एकाच वेळी चार डिव्हाईसवर वापरता येणार आहे. म्हणजे एकाच वेळी चार डिव्हाइसमध्ये तुम्हाला लॉग इन करता येणार आहे.
मेटा सीईओ मार्क झुकरबर्ग यांनी व्हॉट्सअ‍ॅपच्या नवीन फीचरबद्दल आपल्या फेसबुक पोस्टमध्ये लिहिले, ”आजपासून तुम्ही जास्तीत जास्त चार फोनमध्ये तुमचे व्हॉट्सअ‍ॅप अकाउंट लॉग इन करू शकता.” हे फिचर आधी बीटा टेस्टिंगसाठी जारी करण्यात आले होते. मात्र आता सर्व वापरकर्त्यांना या फीचरचा फायदा घेता येणार आहे.
व्हॉट्सअ‍ॅपच्या नवीन फीचरमध्ये प्रत्येक लिंक केलेले डिव्हाईस हे स्वतंत्रपणे काम करणार आहे. तसेच प्रायमरी डिव्हाइसमध्ये नेटवर्क नसतानासुद्धा वापरकर्ते दुसऱ्या डिव्हाईश्वर अकाउंट Acess करू शकतात.
इतर डिव्हाईस कसे लिंक करायचे ?
Whatsapp अकाउंट अनेक प्रकारे लिंक केले जाऊ शकते. जर तुम्हाला तुमचे प्रायमरी डिव्हाईस इतर डिव्हाइसवरील Whatsapp अकाउंटशी कनेक्ट करायचे असेल तर तुम्हाला दुसऱ्या डिव्हाइसच्या whatsapp application मध्ये तुमचा फोन नंबर समावेशित करावा लागेल. त्यानंतर तुमच्या पहिल्या डिव्हाईसवर एक ओटीपी येईल , तो तिचे टाकणे आवश्यक आहे.
