चीनी तंत्रज्ञान कंपनी Xiaomi या महिन्याच्या अखेरीस आपल्या बहुप्रतिक्षित स्मार्टफोन सीरीज Redmi Note 12 मालिकेतून पडदा उठवण्याची शक्यता आहे. रेडमी लवकरच Note 12 सीरिज आणण्याच्या तयारीत आहे. या सीरिजमध्ये तीन स्मार्टफोन आणणार असल्याची माहिती असून कंपनी Redmi Note 12, Redmi Note 12 Pro,आणि Redmi Note 12 Pro+ या तीन नवीन स्मार्टफोन्सचे लवकरच अनावरण करण्याची शक्यता आहे, अशी माहिती कंपनीने चिनी मायक्रोब्लॉगिंग साइट Weibo वर दिली आहे.
Redmi Note 12 मालिकेची वैशिष्ट्ये
Redmi Note 12 Pro+ २१० W जलद चार्जिंगसह येऊ शकतो. तर नोट 12 प्रो १२०W जलद चार्जिंगला सपोर्ट करेल. व्हॅनिला नोट १२ मॉडेलमध्ये ६७W जलद चार्जिंग असू शकते. अलीकडे, २१०W Xiaomi चार्जर देखील 3C प्रमाणन साइटवर सूचीबद्ध केले गेले होते, जे Note 12 Pro+ सह पदार्पण करू शकते. सध्या, iQOO 10 Pro सोबत जलद चार्जिंग सपोर्टसह येतो. हँडसेट २००W फास्ट चार्जिंगद्वारे केवळ स्क्रिन बंद असताना १० मिनिटांत स्मार्टफोनला पूर्णपणे चार्ज करू शकते.
आणखी वाचा : आनंदाची बातमी! दिवाळी ऑफर, spotify प्रीमियम चार महिन्यांसाठी पूर्णपणे मोफत
कॅमेरा
नोट 12 लाइनअपमध्ये ५०-मेगापिक्सेलचा मुख्य कॅमेरा, ८-मेगापिक्सेलचा अल्ट्रा-वाइड सेन्सर + २-मेगापिक्सेल मॅक्रो/डेप्थ युनिट यांचा समावेश असेल. Note 12 Pro आणि Note 12 Pro + डायमेंशन १३०० चिपसेटसह सुसज्ज असण्याची अपेक्षा आहे. Redmi Note १२ मालिका पुढील काही आठवड्यांत चीनमध्ये लाँच होईल. त्यानंतर पुढील काही महिन्यांत जागतिक बाजारपेठेत उपलब्ध असेल. Redmi Note 12 Pro आणि Redmi Note 12 Pro+ हे MediaTek Dimensity १०८० SoC सह सुसज्ज असल्याचे सांगितले जाते.
तसेच कंपनी Redmi Note 12 मालिकेसह, नवीन Redmi Buds TWS इयरबड्सची घोषणा देखील करू शकते. तसेच नवीन रेडमी लॅपटॉप आणि सर्व-नवीन रेडमी स्मार्ट टीव्ही आणण्याचीही अपेक्षा आहे.
